不滿女同事能在家工作 網友: 做好自己先啦

2016年12月13日

職場上同事角色和崗位不一樣,要應付工作都有所不同,但有時有些東西會令到其他人「眼紅」及不滿。一名網友在討論區大呻,指同team同級同人工的一名女同事,獲上司准許在家工作,照顧經常病倒,年約三歲的小兒子,又數了平均每個月都要求兩次在家開工。

資料圖片
資料圖片

這名網友又在辦公室,觀察到這名女同事「佢一半以上時間唔做野,淨係上網睇旅行網。」他肯定:「所謂在家工作係一定唔會做嘢。」他又大呻這名女同事有時因為睇醫生、去機場接父母機、接新請工人第一日返工等等理由,要求遲返或者早走,「但係老細又次次都ok 真係吹脹!」

佢不斷呻,稱這位同事是與自己同team:「佢唔付出做佢應該要做嘅份量,就等於其他同事要做多D,包括我自己。」又強調大家都是同級同人工,為什麼她能夠在家工作,兼夾遲到早走?雖然自己沒有小朋友,不過每個月兩次在家工作「有D過份」,之後就問一眾網友,應不應該向老細反映。

有網友支持他:「要!人人要平等,佢有既福利,你都要有先公平。」、「向老細反映佢冇做好自己本份,要teamates分擔佢嘅workload。至於工作地點方面老細批准,你唔理得咁多。」

但更加網友反而認為他「有時你淨係睇到表面」,一旦「知啲唔知啲」就走去反映,好易「踩屎」,認為看到女同事「咁樣好爽」,但如果「有個不健康的小朋友」,甚而整斷隻手「有成個月病假」,家家有本難念經,「何必去羨慕一啲不幸嘅人?咁你駛唔駛去妒嫉啲長期失業,無飯開所以要攞救濟瞓街嘅人?」

也有網友提醒他先要顧好自己:「反映之前要問自己有冇交足功課,否則可會反比老細質疑自己能力。」也有簡單建議:「老細覺無問題,樓主覺得唔公平,咁....樓主可以另謀高就。」

  • 工作量
  • 職趣事