港女FF男性職業分數指標 網民鬧爆

2016年12月08日

最近網上有一個很火的post,不只是火熱,還令到不少網民「㷫過火屎」。事緣有位女性網民,說經常同一班姊妹傾開「男仔職業」後,就興之所致將之list哂出嚟,並由高至低分排好,有網民看完後,認為「侮辱了男士職業同時侮辱女性」、「港女變剩女是這樣煉成的」、「評分之前不妨諗諗自己有幾分」,有幾誇張?看過你就知:

 

設計圖片
設計圖片

 

 

高級

 

10分:企業管理(老闆CEO等)

 

9分:律師

 

8分:機師、演員、導演

 

7分:政治家、銀行家、建築師

 

中級

 

6分:西醫/中醫、老師

 

5分:會計師、政府工(警察消防救護等) 、護士

 

4分:創作(畫圖設計等) 、Sales、廣告/拍片

 

低級

 

3分:髮型師/化妝師 

 

2分:作家/靠支筆搵食、Lab、揸車(巴士的士等)、廚師

 

1分:保險、地產、文員、IT

 

唔會考慮

 

0分:店員、清潔、跟車、粗重野、冷氣水電地盤等等

 

好,當你知道自己在這一眾絲打中多少分後,都想知道原因/死因:

 

高級分數(7-10分)方面,按照她們「綜合見解」,認為香港律師唔算多,如果case打得好好易出名,到時更加高人工。另外學識高、見識廣,可以帶俾你唔同人生,結婚後可以踏入上流社會生活;

 

另外,就是企業管理層,即是老闆CEO等等,她們還要特別指出係講緊一啲穩定的公司,並非細公司。又說私人公司人工一定最高,月入幾十萬唔出奇,唔洗為錢頭痕,可專心湊仔及shopping,又說做得這一類工的IQ一定好高,甚麼問題都可以解答到你,睇人又好準,呢種男人好有魅力。她們也指機師可帶你周圍去不同地方,帶給你不同文化經歷,每講一個故事都有一分浪漫,人工亦高。但唯一缺點是日夜顛倒要扣分,所以得8分。

 

此外,她們談及政治家有權力,可能涉及香港每個決定,自豪感最高,不過缺點就好多,你可能永遠唔知佢諗咩,另外不同政見就慘了,這樣就扣分了,都有七分咁多。她們還FF的去指出,如果你另一半是李安、劉德華、劉青雲、郭富城你會如何? 所以導演及演員分數都好高,但就話缺點是太多誘惑,結左婚都好易因拍戲動真情喎,但都有8分。

 

設計圖片
設計圖片

 

她們還列舉多個獲得「中級分數」的職業,她們說醫生人工高,多數都溫柔,而且學識廣,一旦「自己身體有咩問題都可以叫佢幫手睇下,仲可以即刻開藥俾我食」但要輪班,所以得6分;又覺得老師學識最高,教育很偉大,有仔女還可自教,人工OK,所以也有6分;另外專業人士-護士、會計師以及紀律部隊都有5分,到了創作行業方面,表示這些男子多數都有心思,人工唔高,「但有時會弄小禮物/ 畫圖俾自己,好浪漫」,所以都有4分。中級分數中排第尾的就是廣告或拍片男,在她們眼中人工幾低,又成日OT,但為什麼可以佔據高層,就係他們「鬼主意好多,唔會悶親自己,同埋一定識影相,唔會影到自己又肥又矮。

 

對於她們的原因/死因,未看到「低級分數」,已經有不少網友狠批這班姊妹「發夢」未醒,睇得電視劇多相當離地,相當幼稚。亦都有網民說:「你揀CEO,CEO邊會揀你?」,又引用歌手陳百強的名曲《等》來形容這班「姊妹」:「莫道你在選擇人,人亦能選擇你。」、「評分之前不妨諗諗自己有幾分。」、「港女變剩女是這樣煉成的。」

 

如果想睇埋「低級分數」職業的「死因」,這裡不贅了,按下面的連結去看吧:

 

http://ladies.discuss.com.hk/viewthread.php?tid=25328371

  • 職業
  • 港女
  • 迷思