畢業生寫CV 陷阱你要知

2016年07月27日

暑假又到,剛好畢業的你,去完一個旅行回來又要搵工啦,而職場新丁又想轉工啦。那麼多人出去求職,要成功被心目中理想的公司取錄真係好難。所以,一張好CV,絕對可以從芸芸求職者當中突圍。

 

好的CV,除了留意layout,CV內容都相當重要。點寫CV其實好多人在學校已經初步接觸,網上坊間又有好多「template」俾你去copy and paste。嗯,利用網上資源係好事,但也要小心翼翼。這些情況較易露出馬腳,從而因為少少瑕疵被認為見微知著,令到一些機會白白流失,以留意你的CV有沒有以下的四大陷阱,有的話快點update,並祝你好運!

 

資料圖片
資料圖片

 

1.「主要負責……」

呢個字眼最好少用,因為很空洞,難以體現實際工作內容。最好改用一些較「主動」的字眼,例如帶領、協調、創造、提高等字眼,感覺就會專業得多。

 

2.「解決問題的能力」

好多人都鍾意用,即係:「Problem solving skill」的直譯。不過實際係咩呢?如果你自己寫完自己都唔知。就寧願唔好寫,如果寫咗出嚟,你就要準備一下,你有冇具體事例可以證明到你的「解決問題的能力」了。

 

3.「我好勤奮」

寫CV入面千萬不要強調自己「勤奮」。首先,有哪間機構會請不勤奮的人?所以「我好勤奮」某程度上是「廢話」。其次就是觀感,這個形容詞會令人感覺很小朋友、很天真。

 

4.「我有好強團隊精神」

別要得個講字,你要寫這句說話,你要有具體例子。

 

5.「人工可議」

不少人都會在「Expected Salary」一欄上答「Negotiable」。這樣做法會令人覺得你唔sure自己的價值,唔夠自信。不如你堅寫出嚟直接一點,坦白一點。更何況,你寫出嚟其實都唔係唔可以negotiable啦。

 

 

準備好CV未?搞掂之後,立即登上 Job Market 的 Recruitment Day,看看有無心水好工吧!

  • 求職信
  • 履歷表
  • 畢業生
  • 職場新丁