返7個月請6日假 老細放風炒魷求應對

2016年12月06日

打工仔有病或有急事要請假是人之常情,但有時如果請得「太多」,會招至上司不滿。一名打工仔在討論區表示,自己在一家公司做了七個月,最近老細放風要炒他,原因是他請假太多,並且在返工時間玩WhatsApp。

 

設計圖片
設計圖片

 

網民開post大呻,指自己先後請了四天病假和兩天事假,質疑老細認為是「多」的看法,至於上班玩WhatsApp,是工作需要「與司機聯絡」,又控訴為什麼其他同事上淘寶、煲電話粥及打機,「老細又唔XX佢哋?」

此post一出即刻惹來網友炮轟,指出他「自己問題仲post 出來,檢討下自己啦!」、「7個月4日病假雖然唔係多,但都唔可以叫少喎」、「要你走,莫須有...但也要真心問自己工作時係咪100%付出」。

亦有網民了解到可能只是老細找藉口想他改善又或者自己「走人」:「你係咪得罪人呀。」、「比你嘅嘢如果做唔好,日日準時返工都無用,放風即係比機會你改呀!」、「同事放假打機多過你都唔駛死,你要比人炒,理由好簡單,你不得老闆歡心,講完。」、「其實請病假真係幾令老細討厭,不論你真病定假病,總之公司就係突然間少個人用,如果你個位係重要的話突然缺席就會好影響公司運作,相反如果你個位係唔重要的話,早早換過個人重好」。

 

設計圖片
設計圖片

 

也有人似乎看穿網友想法:「一睇你都知你唔鍾意呢份工,騎牛搵馬hea做。明知勉強冇好結果,老細係俾諗住搵個冇咁hurt你既藉口。」「炒囉!補番一個月」。

  • 上司
  • 辭職
  • 請假
  • 病假
  • 職趣事