職趣事

 

近日有網民在社交平台Threads分享自己職場經歷，提到多年前曾經因為一位求職者的舉動，而將對方永久列入「永不錄用」名單，事件引發不少討論。

 

事主回憶，十幾年前在一個活動上認識到一位工作經驗七、八年、表現熱誠又主動的應徵者。對方對加入其團隊表現出濃厚興趣，於是事主安排佢提交履歷，再由HR處理面試程序，包括部門主管與自己親身見面，最終成功錄取。

 

在獲得offer後，雙方本來相處融洽，甚至在上班前參加團隊晚宴，席間對方積極表達將來希望為公司作出貢獻，同事間亦談笑風生。事主一度以為搵到合適人選，對新團隊成員充滿期待。

 

豈料在正式上班前一日，HR突然聯絡表示對方撤回offer，事主震驚之下主動聯絡對方了解情況。對方初時含糊其詞，只說因為私人原因無法上班。當事主表示可以給予時間處理私人事務後再返工時，對方終於坦白，話原本舊公司出多了三成人工加幅挽留佢，所以決定不轉工。

 

雖然事主失望，但仍選擇尊重對方決定。不夠兩個月，該名求職者又主動聯絡問「可唔可以重新考慮返工」，事主以職位已經填補為由婉拒。後來這位人選每隔幾個月就重複問一次，持續接近兩年，最終被事主列入「永不錄用」名單。

 

 

事件引起網民熱烈討論，有人質疑求職者是否早有盤算，透過新offer爭取原公司加人工。亦有人指出，在辭職與轉工之間出現反覆，無論對新公司或舊公司都不負責任，最終只會損害個人信譽。

 

其中一位網民分享類似經歷，指有位高級員工收到新工邀請後辭職，並向舊公司派散水餅告別。豈料新公司臨上班前突然以政治原因要求對方轉駐海外，對方拒絕後新公司就撤回offer。無奈之下，佢只好厚著面皮向舊公司表示希望留低。雖然舊公司體諒並即時煞停招聘程序，但該員工兩個月後又辭職，令人搖頭。

 

不少人認為，辭職就應該果斷，「唔好反反覆覆」。亦有意見指，不是所有公司都會容忍求職者出爾反爾，對誠信有要求的僱主更可能將你永久剔除候選名單。

 

職場誠信，唔止關乎一時決定，更反映一個人嘅態度與價值。你又認為呢位事主咁做有冇問題？