Threads 近日出現一則備受關注的帖文，一名網民指身邊朋友沉迷「扮基層」，程度近乎入戲。該名女子原來是中高級公務員，收入穩定，但向外一律自稱「凍肉舖跟單」，人工萬零蚊、連信用卡都批唔到，而她的社交平台亦堅持維持「貼地形象」，經常分享「譚仔下午茶當晚餐好抵」等照片，但同時又會低調坐商務艙去北海道、住五星酒店浸溫泉，這些都從不公開。原帖主形容，她並非單純低調，而是「有點走火入魔」。
工程師老公變維修工 出差被講到變「返大陸唱K」
帖文續指，對方丈夫本身是高學歷工程師，但太太對外會因應場合調整「貧窮設定」，有時話佢做維修，有時又話做運輸；丈夫到外國出差時，她亦會講成「返咗大陸唱K」。兩人住在奧海城，但她一律對外講自己住大角咀，務求將生活背景壓到最低。原帖主透露，朋友解釋自己行為的原因，是「最緊要人哋問人借錢時唔會諗起佢」，因此長期維持低階層角色，以避免麻煩。
網民熱議：低調唔等於扮窮
帖文引來大量討論，不少網民質疑行為「太Over」：「低調唔代表要講大話」、「講到咁 detail 似係演戲」、「想低調可以唔講嘢，唔使特登扮窮」。有人指出，真正低調係收起生活細節，而非創造另一個階層身份，甚至有網民批評：「刻意角色扮演已經唔健康。」
亦有網民理解：香港妒忌文化強，低調能自保
不過，亦有人表示理解，稱香港職場與社交圈中比較心態強烈，過度曝光容易引來妒忌甚至針對，有人留言指：「同事問學歷，我從來唔講自己有 Master」、「之前因為太突出比同事攻擊，之後返工乜都唔講、妝都唔化」、「唔想變做借錢對象就要低調啲」。亦有網民笑言自己都會「降級介紹」家庭背景：「我同人講老公係地盤佬，我做文員，一家三口排緊公屋，咁就冇人當你係提款機。」
另一極端：有人本身基層反而喜歡「晒命」
討論區亦有網民指出，香港呈現另一條光譜：不少住公屋、申請綜援的市民反而十分高調，經常在社交平台展示名牌、幸福生活照，希望「睇落更體面」。有人解釋，這與中產的「避忌眼紅文化」相反，基層更需要透過形象「提升身價」，形成一種「表演式幸福」。
好工推介
職場熱話
- 1
- 2
-
德國打工仔每年平均請病假達14.8日 政府擬改革制度 首日病假扣薪 少請假者可獲獎金
TOP 1 -
衞生署招聘牙科手術助理員 月薪最高$38,715 無須牙科資歷 中學學歷可申請
TOP 2 -
面對困難容易萌生辭職念頭？ 3大方法調適壓力
TOP 3 -
80％打工仔習慣「先問AI、後問上司」 66％擔心在上司面前顯得能力不足
TOP 4 -
AI改寫職場生態？LinkedIn提出「5Cs能力」 人類優勢反成最大本錢！
TOP 5
-
最離奇職場欺凌事件？日本消防員強迫下屬玩35小時自製桌遊 被紀律處分
TOP 6 -
澳洲調查：四分三打工仔唔檢查假期結餘＋糧單 隨時損失數千元
TOP 7 -
THEi高科院首度牽頭舉辦 「大灣區高校調酒大賽」 聯動逾30間內地院校 構建餐飲酒店業交流高地
TOP 8 -
生育率創新低 逾七成受訪者不願生育 經濟壓力成最大阻力
TOP 9 -
建造業議會估計2030／31年度總工程量最多可達3600億 機械操作及機電安裝等或缺人
TOP 10
