不少打工仔每天都會花7至8小時在公司，分分鐘多過在家時間，因此打造一個舒服的公司環境尤其重要。有港男指，一名男同事嫌棄公司的電腦椅「唔好坐」，竟自費一萬元購買新椅，批評對方是在「晒命自己好有錢」！
該名港男在「香港討論區」發文
該名港男在「香港討論區」發文，指日前午飯時間有送貨員送來一張電腦椅，一名男同事簽收，並推回辦公室開始拆開包裝，「見佢左砌右砌，好似好複雜咁」。樓主表示，公司本身有提供「普普通通百零蚊張」的電腦椅給同事，而該名男同事新買的電腦椅似乎相當高級，看似是標榜符合人體工學的設計，形容「砌完出嚟張電腦椅又真係幾舒服咁」，一眾同事亦對該張貴價椅議論紛紛。
有人笑言樓主同事是「倒貼」給公司
樓主本來以為該張新椅的售價約1,000至2,000元，怎料其後卻得知起碼價值一萬元，感到難以置信，批評對方是在「炫富」，「同事好X串，話公司啲電腦椅唔好坐，自己買咗張成萬蚊嘅返公司坐，同我去旺角睇嗰啲電腦椅差唔多嘅嘢要成萬蚊？個同事又想點？想曬命自己好有錢？」，直斥對方「唔知博乜」。
帖文引起不少網民熱議，有人笑言樓主同事是「倒貼」給公司，「貼大床畀公司」、「佢砌椅時，係咪OFFICE HOUR（辦公時間）？叫公司出封信畀佢，話佢工作時間做私人嘢啦」、「過萬蚊一張電腦椅？係咪有按摩功能呀？」
不過亦有網民認為，打工仔長期在公司工作，購買一張較舒服的電腦椅並無不妥，反揶揄樓主是「憎人富貴」，「自己想返工舒服啲有咩問題，又唔係叫你畀錢，唔抵得咪自己又買返張囉」、「自己錢自己享受都有問題？」、「日日坐喺公司至少八個鐘，對自己身體好啲有咩問題？」、「咁佢喺公司坐得耐過喺屋企，坐得唔舒服真係差啲的，買張櫈又唔係送畀公司，第日唔做佢都會帶走，買張舒服啲的，其實都合情合理」。
資料來源：香港討論區/星島日報
好工推介
職場熱話
- 1
- 2
-
打工仔月薪1.5萬 遇完美主義上司壓力爆煲 如何在高標準環境下自處？
TOP 1 -
父母收家用如「納稅」 按收入比例抽成？ 網民：「點解要咁制度化」
TOP 2 -
零工工作者佔整體勞動人口13％ 20％受訪者月賺逾1萬元 環聯：還款表現穩定 籲銀行改貸款評估方式
TOP 3 -
德國打工仔每年平均請病假達14.8日 政府擬改革制度 首日病假扣薪 少請假者可獲獎金
TOP 4 -
衞生署招聘牙科手術助理員 月薪最高$38,715 無須牙科資歷 中學學歷可申請
TOP 5
-
面對困難容易萌生辭職念頭？ 3大方法調適壓力
TOP 6 -
80％打工仔習慣「先問AI、後問上司」 66％擔心在上司面前顯得能力不足
TOP 7 -
AI改寫職場生態？LinkedIn提出「5Cs能力」 人類優勢反成最大本錢！
TOP 8 -
最離奇職場欺凌事件？日本消防員強迫下屬玩35小時自製桌遊 被紀律處分
TOP 9 -
澳洲調查：四分三打工仔唔檢查假期結餘＋糧單 隨時損失數千元
TOP 10
