大學畢業後可以找到一份理想的全職工作，是不少人眼中的正常生活。不過，有23歲大學畢業生則發文指，在畢業後曾做過2份全職工作，但認為人工低及工作量多，因此轉做兼職，並指雖然薪金減少一半，但生活悠閒。
該名港男在連登討論區以「當屋企人問你唔返工唔悶咩」為題發文，提到自己今年23歲，並且大學畢業一年。他指，畢業後首3個月前往旅行，隨後曾做過2份全職工作，「抱住做住先嘅心態」，但因為人工低及工作量多，「覺得唔值得，就無再做」。其後，他轉做兼職工作，並指雖然薪金減少一半，但「時間彈性好多」，並指自己就讀大學時亦有做兼職，「有儲下錢，又抄下股票，所以暫時夠用」。
他提到，家人希望他尋找全職工作，並多次詢問他「返咁少工唔會無聊咩」。他指，在認真思考後認為現在的生活並不無聊，「日日瞓到自然醒，煮個飯食 ，煲下戲，上下連登，再唔係睇下書」。
他指之前有玩田徑，自從沒有全職工作後，多了不少時間跑步，亦可以慢慢訓練，「再真係無嘢做，咪去沙灘坐下或者行山，感受下大自然，可以過得好舒服」，並詢問網民他的想法會否很奇怪。他隨後補充指，自己來自中層家庭，亦曾到外國讀書，又指「其實我覺得搏命做嘢無問題，不過起碼搵份有啲前景嘅工作。」
相關帖文隨即引起熱議，不少人支持他的決定，並直言感到羨慕，又指「躺平幾好」、「做自己嘢咁開心點會悶」、「唔奇怪，我都係咁，這種叫work life balance，不過屋企人想我搵全職，原因大家都明」、「其實唔應該覺得怪，不過係香港就係咁現實，因為好單一」、「夠錢用就得」、「唔返工就會被認為係廢青，對社會冇貢獻嘅垃圾蟲」等。
另有人則認為，「我諗個重點唔係悶，而係你係咪要一世都咁樣。你而家23歲梗係逍遙自在，咁30歲時？條女又迫婚，結婚有無錢結？定簽字就算？買樓有無錢買？無錢咁租樓？租咗樓就儲唔到錢，退休點算？生唔生仔？唔生好啲嘅，你咁廢青life生出來只會害咗個仔」、「只不過係你未去到咁迫切，而你屋企人始終做人咁耐，諗法肯定會傾向諗長遠，到你有日真係去諗，可能就發覺原來已經遲咗，想做野無人請，想做財自無本」等。
資料:星島日報
Tag cloud:
好工推介
職場熱話
- 1
- 2
-
十號風球下快餐店成戰場 經理情緒失控 員工連踩11小時近崩潰
TOP 1 -
職場新詞「安靜崩裂」 即使努力工作 內心卻早已疲憊不堪
TOP 2 -
Netflix首用生成式AI製作影集 製作速度快10倍 有效降特效成本
TOP 3 -
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 4 -
銀聯：Z世代收入增加比例最明顯 39％消費者削非必要支出
TOP 5
-
日本興起出租阿嫲 唔只做家務湊細路 仲可以陪談判分手
TOP 6 -
公共圖書館變「扮工」聚腳地？失業港人每日必到＋做3件事
TOP 7 -
87％港畢業生對前景充滿信心 最愛金融及STEM行業 憂AI帶來顛覆
TOP 8 -
KAM爆新仔突問女上司「點解條件咁好都未結婚」 對方一招KO！
TOP 9 -
電話鬧鐘唔識響？係手機Bug作怪！網民總結８大方法自救
TOP 10
