香港人對「年薪百萬」四個字，一向有種憧憬，聽落風光、有樓有車，生活無憂。不過，近日有網民喺 Threads 發文，直言自己「原來已經係七位數年薪既打工仔」，但生活卻「冇想像中咁輕鬆」，引起唔少共鳴。
「食麥當勞可以加大咁囉」 年薪七位數都覺辛苦
呢位網民坦言，自己直到最近先發現，人工已經踏入七位數大關。不過現實唔似預期：「稅交好多，屋仲要供，老婆留喺屋企照顧小朋友冇返工。」佢又話：「每個月真係只係儲到少少錢，生活叫做剛剛好少少，但未去到想像中咁輕鬆。就係食麥當勞可以加大咁囉」。
帖文一出，即刻掀起熱議。有網民認同：「呢個先係真實香港，唔係個個年薪百萬都好風光。」
有人話「謙虛到出汁」 亦有人話「比上不足比下有餘」
留言區意見兩極。有人話樓主係「Humble brag（偽謙虛）」，直指：「年薪百萬都話自己辛苦？你有冇諗過啲年薪三十萬嗰啲人睇到會點？」
但更多人表示理解：「一個家庭、一層樓、一個小朋友，如果只係你一個人搵錢，百萬年薪真係唔夠用。」亦有人留言：「太太唔返工都可以支撐到，已經好叻啦。小朋友童年無價，一家人健康開心，夠洗夠用就好幸福💪🏻」
「一日未供斷層樓，一日都要挨世界」
另一位網民留言表示，十分理解樓主感受：「年薪七位數聽落好似好多，但供樓、交稅、養小朋友，實際上一頭家嘅支出真係唔細。」佢又講：「一日未供斷層樓，一日都要挨世界，心理壓力唔少。」
識投資先有真自由
亦有網民留言分享另一種生活模式：「我37歲退休，老婆返下 part-time 打發時間，無諗住買樓，錢放股票滾大舊。每年去兩次旅行、兩年 road trip、三年換車，生活平淡但滿足。」佢話：「有錢唔代表幸福，夠洗、有選擇先係關鍵。」
女網民反擊：「唔靠老公都可以過得好」
有女網民回應樓主，語氣輕鬆：「我都係七位數年薪，已婚有一女、有工人、有樓。唔想做煮婦等比人養，我老公都覺得我過得OK。」佢認為現代女性要有自己事業同理財能力，唔應該完全依賴另一半。
現實殘酷：百萬年薪唔代表富裕
根據統計處資料，香港2025年每戶家庭開支中位數約為每月$30,000至$35,000。若要供樓、交稅、養育子女，加上通脹壓力，即使年薪過百萬，實際可支配收入仍然有限。
經濟學者分析指，香港高生活成本令「中產壓力」不斷上升，年薪百萬已不再是財務自由的保證。
樓主嘅經歷反映出一個現實：香港嘅「舒適線」早已遠超一般想像。在高樓價、高稅制、高壓力的環境下，即使達到所謂「百萬年薪」，仍難逃經濟壓力與生活焦慮。最終，正如有網民所講：「比上不足、比下有餘，知足常樂，一家人健健康康已經好幸福。」
好工推介
職場熱話
- 1
- 2
-
香港城市大學計算學院（College of Computing）聯招理學士課程
TOP 1 -
職場戀情愈來愈少？調查：暗戀同事比例大跌逾一半 年輕人轉向交友App
TOP 2 -
【政府工速遞】醫務衞生局聘請行政助理 月薪$35,080
TOP 3 -
逾半數人認為退休需500萬以上儲蓄 惟逾四成人每月僅儲5000元
TOP 4 -
全球最宜居城市2026 哥本哈根蟬聯榜首 大阪東京躋身十大 香港排44位
TOP 5
-
調查：74％中小企受北上消費打擊 近兩成生意跌逾20％
TOP 6 -
近7成打工仔曾遇有毒職場 近半人因而辭職 26.2％曾勸他人不要加入有毒公司
TOP 7 -
提倡招募文化 推動長遠發展引領理財SUN勢力
TOP 8 -
一家四口月花1.2萬生活 港媽公開18招慳錢法 重用沖涼水、布尿片掀熱議
TOP 9 -
打工仔返新工 日日捱鬧壓力爆煲 半夜嚇醒＋嘔吐 離職後仍心跳加速 教你3招走出陰影
TOP 10
