升職是開心事，有人會選擇請同事食飯慶祝。有打工仔在網上發文指，一名同事早前誤信上司所言，誤認為自己可以升職加薪，隨即花費數千元請同事食飯。誰料，該名同事最終「食詐糊」，事後他的一個行為更被網民取笑「 樣衰兩次」。
該名打工仔日前在香港討論區以「以為升職所以請同事食飯，點知升唔到」為題發文，提到上司日前向其中一名同事表示「睇好佢，所以打算升佢職」，並指「會同大老細講，叫佢升嗰個職同加人工」。該名同事聞言後甚為開心，因此提出請同事食飯，眾人隨後一同前往飲茶，並花費數千元。
然而，該名同事最終不獲升職，隨後他更向其他人提出一個要求，「之後該同事竟然想收番我哋嗰日果餐茶錢，但都過咗成半個月，依家喺度收番真係好樣衰」。經過此事後，樓主領悟到「所以下次都係一日未肯定升職，未收到份糧，都唔好咁快開心住喺度請食飯啦！」
相關帖文隨後引起熱議，有網民直言「好小家」、「高興得太早」、「收返真係好樣衰」、「算數喇，佢肯收番都樣衰啦」、「講大咗已經樣衰，收返餐茶錢就再樣衰多一次。其實佢升唔到大家好快唔記得，收一收茶錢，大家刻骨銘心」、「𤓓爆，畀我即刻遲職」等。另有人指出，「最低限度，都要出咗memo先，不過要收埋信，知道加幾錢先決定請人食乜嘢，就穩陣好多啦」、「咁情況，夾返都好嘅，佢都好傷下」、「不嬲都係公司出晒email先會請㗎啦，佢做咩咁傻豬」、「正常。話明升職請食飯，升唔到就唔係請，位位夾錢」等。
另外，部分人關注用餐金額，並指「同事飲下茶要幾千蚊? 」、「飲茶食咗幾千蚊???」等。有人則解釋指，「蒸條石班，每人一隻扇貝，幾個小菜，加埋茶水加一，話咁易就$4000」、「其實一圍枱，叫多幾個特點，加啲小菜燒味，三四千蚊一啲都唔出奇」、「真呀，十幾個同事，叫左好多野食，每樣都叫幾籠，都差唔多啦」等。
資料來源：香港討論區、星島日報
好工推介
職場熱話
- 1
- 2
-
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 1 -
銀聯：Z世代收入增加比例最明顯 39％消費者削非必要支出
TOP 2 -
日本興起出租阿嫲 唔只做家務湊細路 仲可以陪談判分手
TOP 3 -
公共圖書館變「扮工」聚腳地？失業港人每日必到＋做3件事
TOP 4 -
87％港畢業生對前景充滿信心 最愛金融及STEM行業 憂AI帶來顛覆
TOP 5
-
KAM爆新仔突問女上司「點解條件咁好都未結婚」 對方一招KO！
TOP 6 -
電話鬧鐘唔識響？係手機Bug作怪！網民總結８大方法自救
TOP 7 -
DSE放榜 未達2222A有咩出路？升學／就業課程任你揀
TOP 8 -
30歲後選擇半躺平人生 為心靈健康 只返兼職度日 與其杞人憂天 不如活在當下
TOP 9 -
ERB僱員再培訓局最新課程推介！10大免費搶手內容 ＄0學做KOL／保安／陪月／的士司機 即日起報名
TOP 10
