有自信是好事，但太有自信，甚至輕蔑他人或工作，就絕對不是一件好事了。一名港男不但沒有一份工做得長，而且以為「地盤工冇學歷都做得」，主動讓親戚介紹他入行做地盤紮鐵，更揚言「捱3個月有近10萬」，結果卻一日後就因「鐵又重、又曬」而辭職，令其家人睇唔過眼，引起網上熱議。
有女網民在社交媒體Facebook專頁「辦公室日報」上投稿，指她有一名自認「十大傑青」的哥哥，每份工作都只有3分鐘熱度，曾經因貪工作時間有彈性而從事保險，「朝朝都11、12點先起身，返一陣工就走」，更叫家人及親戚幫襯他買保險後，就不負責辭職，結果令個別保單成為沒專人跟進的「孤兒單」。
Facebook專頁「辦公室日報」
之後他又做過各式各樣的工作，包括文職、健身教練及侍應等，亦每次都揚言要做到多高的職位等，但最後又因「班同事冇料」、「委屈自己」等莫名奇妙的理由辭職，令樓主不禁表問「究竟佢係咪有妄想症呀？」
早前，樓主的哥哥聽聞做地盤紮鐵日薪可以過千，心動下便讓從事地盤的親戚介紹他入行，甚至每日打電話轟炸對方，甚至表示「紮鐵有幾難呀？乜嘢話？好重？我之前做過健身教練㗎！幾條鐵冇問題啦！成千蚊日，我捱3個月都有接近10萬，到時先唞吓囉！」
圖片來源：網絡
樓主之後對哥哥說，叫他不要睇輕地盤紮鐵的工作，指那是一種要花時間及心機學習的工種，怎料他卻回應表示：「嘥氣啦！地盤工，冇學歷都做得啦！手板眼見功夫！我之前唔做咋，如果唔係做到判頭啦！」
後來有親戚安排樓主的哥哥到地盤某個崗位工作，並立即購買一對安全鞋準備開工。但他先是嫌棄安全鞋的款式老套又昂貴，後來又似有決心地表示「等我賺佢幾個月錢，到時再諗係咪做呢行啦」。結果，他上班一天便「頂唔順」辭職，回家後向家人大呻：「黐線！地盤多釘到呢，著安全鞋都唔安全呀！啲鐵又重！又曬！唔鬼做啦！搵文職好過。」
圖片來源：網絡
事主感慨，不論是甚麼工種，都會被她哥哥睇輕，認為既容易，又不用學習，而且覺得是其他人能力不足，「佢覺得只要佢肯做，全部人都要行埋一邊」，自視過高，「辛苦唔想做，冇問題，但係唔好乜嘢都用門外漢身分去睇唔起人，成日覺得人哋份工好易做，原來自己根本做唔掂。」
網民看完帖文，都紛紛表示相當無奈及氣憤，認為樓主哥哥的態度極不可取，「批評人哋份工易唔易之前，請先了解人哋做緊乜」、「呢啲咪係無料扮四條，以為份工易做，覺得自己永遠最勁，點知自己原來乜都唔係」、「屋企有呢啲人真係慘」、「份份工其實都要有獨特技能至做得掂，呀哥咁諗嘢真係好天真」、「世界冇咁多懷才不遇嘅」。
資料來源：星島日報
好工推介
職場熱話
- 1
- 2
-
郵政署招聘會計主管 月薪$18,916 申請人須具備咩條件？
TOP 1 -
中大調查：七成市民認為香港貧富懸殊嚴重 約一成表示入不敷支
TOP 2 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 3 -
碩士畢業37歲打工仔 失業5個月 12年工作生涯冇份工做得長 大呻：學歷呢個包袱太重
TOP 4 -
40歲打工仔MPF資產中位數66萬元 BCT籲善用自願性供款
TOP 5
-
一大早交report 老細睇一眼就話啲數錯 事後原封不動再交又話啱 網友：樓主錯在呢樣嘢！
TOP 6 -
調查指24％專業人士正考慮退休移居外地 近半數選擇大灣區 33％選擇英澳加
TOP 7 -
內地年輕人興起做全職「全職乖孫」 唔揾工 喺屋企照顧長輩起居飲食
TOP 8 -
黃傑龍明言餐飲迎淘汰期 北上消費潮非唯一原因 籲業界極力轉型
TOP 9 -
大班結業拖欠近1,000萬元遣散費與薪金 公司結業遣散費應如何計算？
TOP 10
