一名在英國工作的香港人近日在社交平台 Threads 發文，指自己「做咗咁耐嘢，第一次收HR警告⚠️」，原因竟與「未有保障下屬精神健康」有關。帖文一出，引起網民激烈討論，不少人認為他缺乏反思，亦有網民指出英國職場文化與香港截然不同，「一句How’s your weekend」都有學問。
HR警告：被投訴令同事有壓力、唔敢放假
事主表示，HR通知他公司收到兩宗匿名投訴，指他可能「冇 safeguard 下屬嘅精神健康」，令同事工作壓力大，「甚至有時唔敢放假」。雖然投訴並非由當事人直接提出，而是在離職問卷中反映，但公司仍按照制度進行跟進。
他續指，HR強調明白他「可能冇做錯任何嘢」，但制度上公司必須保障員工的 mental health，因此要求他「守行為」及參加再培訓課程，學習如何關心同事精神健康。「雖然只係一封email，但其實都令我心情唔多好。」他寫道，並感嘆：「英國人事比香港煩十倍，一句說話問少一句 How’s your weekend? 都可以俾人話唔夠關心。」
Threads留言一面倒批評：冇反省、chur爆下屬
帖文引來大批留言，不少網民狠批事主欠缺自我檢討：「內容入面完全見唔到你有檢討自己，只係話係人哋問題。」有網民直言：「你唔係冇 How’s your weekend 咁簡單，你係令人有壓力同唔敢放假，姐係證明你 chur 到人爆。」
另一人更指出：「真係無錯嘅就唔會俾警告你喇，成篇文都見唔到你有檢視過自己對同事嘅影響。」
港式管理難融入英國職場文化
不少港人網民亦藉此事件討論中西職場文化差異，指香港職場講求效率與階級，但英國更重視人際互動與同理心：「香港果套帶入英國仲覺得啱？香港人最少同理心，最多自尊心，去到外國好易水土不服。」
亦有留言提到：「英國職場真係好，投訴可以 follow up。香港如果有職場欺凌，投訴無門；但英國呢邊HR會認真處理。」
精神健康成職場新焦點
英國政府及不少企業近年都加強推動「工作場所精神健康」(Workplace Mental Health) 概念，強調管理層需為員工提供心理支援與工作平衡。
專家指出，領導者除咗要確保績效，亦需營造包容、支持的工作氣氛，否則容易被視為「有毒職場文化」。在不少英國公司，忽視關懷下屬情緒反而被視為管理缺陷。
網民建議：學習「外國式」溝通與關心
有經理級網民留言建議：「外國人重視 small talk，尤其對下屬講句『週末點呀？』唔係虛偽，而係建立信任。」亦有人認為，「學識問候、體諒同事，唔代表軟弱，係一種成熟管理。」
事件反映香港與英國職場文化的巨大落差。在香港，「高效率、快手快腳」被視為優點；但在英國，同理心與員工關懷反而更受重視。港式管理者如未調整思維，隨時會被HR「出信警告」。
有網民總結得妙：「英國講 human first，香港講 result first。你去咗外國，就要學吓人哋點做人先好做事。」
Tag cloud:
港人英國打工 HR警告 精神健康 英國職場文化 Threads熱話 港式管理 打工文化差異 職場同理心 英國生活 職場壓力 外國工作 管理風格 打工仔心聲 港人海外 職場心理健康好工推介
職場熱話
- 1
- 2
-
收到Offer後想反價加人工 到底有咩策略？
TOP 1 -
哈佛青年民調：僅14％年輕人相信AI能創造更多就業機會 26％受訪者直言AI屬重大威脅
TOP 2 -
香港商業信心調查：63％企業預期經濟穩中向好 57％料明年加薪 惟幅度低於5％
TOP 3 -
嫲嫲過身請假被拒 HR冷血對話曝光 港女心碎控訴：原來可以咁冇人性！
TOP 4 -
調查：77％港人有壓力 較去年顯著增加 41％對未來充滿不確定性感擔憂
TOP 5
-
2026全球退休勝地 希臘首奪冠軍 泰國及馬來西亞兩國入列前10
TOP 6 -
高市早苗「工作、工作、工作、工作再工作」勇奪日本流行語大賞 引起現代工作觀激烈討論
TOP 7 -
機場青年就業資訊日2025
TOP 8 -
MIT開發冰山指數 揭示AI已可取代11.7％美國勞工 行政與文職工作危機最大
TOP 9 -
韓男公司食$6朱古力批 被公司告盜竊罰賠二千蚊 上訴兩年終判無罪
TOP 10
