有自稱六合彩中獎得主的女兒，近日在網上公開撰文近4千字，分享全家中獎後的變化點滴，她指父母中獎後性格劇變，由於有苦衷至今仍向至親隱瞞中獎消息，她表示非常欣賞父母「冇畀金錢蒙蔽雙眼」。
女事主在社交平台撰文並與網民互動分享，她坦言為了保護私隱出帖的帳戶不是私人「main account」（主帳戶），「有啲事實我改咗，唔係真係exactly係，我主要都係想分享吓我嘅感受」「感受係真實嘅」，帖文引發熱議，以下為女事主分享的要點：
女事主在剛過去的週日（1日）在社交平台Threads發帖分享「我屋企中六合彩X獎嘅經驗」「我想詳細啲講吓，我由未中六合彩到中六合彩呢個轉變」。她說想分享並非「曬命」，而是「純粹想感謝主耶穌，天公作美」，她在帖文及回覆網民提問，共撰文近4千字。
中六合彩前一家6口住公屋
她表示，中六合彩那年自己讀小三，而妹妹讀K2，她們兩姊妹連同父母，一家四口本住在居屋，但因為父親賣樓，幫爛賭姑媽還大耳窿欠債，結果「搬咗去爺爺嫲嫲間公屋住」。
「嗰陣時六個人就喺呢二、三百呎嘅屋入邊生活」，當時父親「因為學歷唔夠俾人bully（欺凌）」而辭去工作，家庭主要收入為母親擔任洗衫工作的每月一萬餘元薪金，再加上「我爺爺（每月）幾千（元）嘅退休金（唔知有冇攞綜援）就撐起我哋呢六個人」。
首次買六合彩父母曾因此嘈交
她記得，在暑假或開學時，「阿爸就話今次六合彩有好多錢，佢想搏一搏」，但母親反對因為擔心父親會像「姑媽咁樣沉迷喺呢啲賭博度」，兩人曾因此嘈交，但最後父親仍偷偷買六合彩，「叫我揀一個數字，又叫我阿妹揀一個數字」，但該期六合彩最後「開彩冇中」，這是父親第一次買六合彩。
之後，因為父親找到新工作，「我哋全部人（連埋爺爺麻麻）出街慶祝爸爸搵到新工作」，父親表示為慶祝找到工作，提議買六合彩，「因為今次累積獎金好似好多，驚喜係今次我阿媽應承咗。」
一家六口每人想一個號碼落注
女事主記得當時在元氣壽司店，她們6人每人寫一個號碼，「首先係我阿爸撳咗一個數字，跟住就到我阿媽，之後就我阿妹，傳過去對面就係我，我再傳畀隔離嘅嫲嫲，我嫲嫲再傳畀爺爺，最後我爺爺撳完最後一個數字畀返阿爸。」
女事主形容當時和妹妹「勁興奮」：「又有得食壽司，又好似進行緊啲咩好神聖嘅儀式。」
父親購買該期六合彩結果中獎，女事主分享想號碼時的心情：「我記得我嗰陣時撳數字嘅時候，隻眼好似比一個數字吸引咗咁，跟住就撳咗落去，完全冇嗰啲咩要struggle好耐嘅感覺。我哋每個人都好快咁撳咗一個數字，呢個感覺我記到嚟而家（雖然而家冇再中過笑死）。」
父親對攪珠結果突「行咗去廚房搵媽咪」
六合彩攪珠當日，父親拿著六合彩票即場觀看直播對號碼：「佢每出一個Number，我就問爸爸有冇中。第一個出嚟，我同阿妹好興奮咁問：有冇中、有冇中、有冇中？我爸爸話有！我哋即刻企晒起身好興奮。」
「跟住到第二第三個，我爸爸都話有，佢個『有』已經唔係興奮咁簡單，係充滿着wtf嗰種嘅『有』，我同我阿妹完全係當地板，喺跳彈床咁樣喺度跳，互相擁抱住對方。」
到第六個號碼攪珠出來，「我同阿妹即刻問有冇中有冇中，點知阿爸唔理我哋，佢行咗去廚房搵媽咪。」之後「阿嫲好似知道啲嘢，即刻抱住我哋兩個話：冇中到啊。」
其後，「阿爸阿媽出嚟......阿爸好失落咁話淨係中咗$1000，阿爸講完之後，我同阿妹都冇繼續深究」，但其實父親隱瞞中了六合彩，因事主發現自此財政變得非常充裕，「洗費比平時大咗，又話諗住俾阿妹讀私立小學」。
父親稱「淨係中咗$1000」
事主說，父母至今仍沒有告訴她當年中六合彩獲取了多少獎金，「其實我爹哋媽咪都冇同我講有幾多錢，反正就多到財富自由」，他們之後有「投資銀行股，買咗三間屋，一間自住，兩間租出去，有部份錢捐咗畀救助流浪貓狗嘅協會（詳細唔講）」，「有勁多勁多張銀行咭」。
她回應網民提問指，父母隱瞞至親中六合彩有苦衷，主要是不想「畀太多錢我嫲嫲」，因為最後會給爛賭的姑媽「呃晒」。
她說，中六合彩後除捐錢給「救助流浪貓狗嘅協會」，至今仍在工作的父母，亦會「將自己10%嘅人工捐畀醫管局」，選擇醫管局是因為「佢哋做緊相關嘅行業」。
父母仍全職工作 為低調住普通私樓
父母目前仍保持低調生活，沒有因為中六合彩而退休，反而繼續返工，估全職工作，「仲話要返到65歲」，「其實佢哋而家都係做緊啲服務性嘅工作，我都好欣賞佢哋冇畀金錢蒙蔽雙眼。」
她又透露，她們一家目前只是「住普通私樓」，「如果由咁窮變住豪宅，係人都睇得出，夠住就OK啦。」她說，父母中六合彩後，「一開始嗰陣時候係諗住移民，但係因為佢哋英文唔係好勁，所以都係留返喺香港。而我之後養咗好多隻寵物，所以都唔會出外國讀書。」
「最大改變都係失眠問題」
她談及父母在中六合彩後，性格起了重大改變，「即係以前我爸爸真係好惡，係會攞衣架打我哋嗰啲，媽咪都會......我爸爸之前講嘢超級大聲，我媽咪都係嗰啲大聲公，咩都周圍同人講。」
「中咗六合彩之後，爸爸穩重咗勁多倍，講少咗嘢，仲要每次都講得好細聲，好溫柔。而我媽咪由E人（外向）變得超級I（內向），I到係一有放假就唔會出街嗰種。」
她特別指出，父母中六合彩後開始有失眠：「不過講到最大改變都係失眠問題，佢哋話自己個心成日囉囉攣，攞住呢筆錢好唔安穩。」慶幸「我哋一家四口嘅關係都係照樣咁close！！都係好有愛。」
網民問中獎徵兆 事主：關負能量正能量事？
無論如何，女事主認為父母過往「真係好坎坷」，「我覺得佢哋係值得擁有而家嘅一切」。
有網民問到女事主當年父母中六合彩時「有冇啲咩徵兆」，女事主回覆說第二次買六合彩中獎，「嗰日就超開心」，父親找到新工作，又難得一家一齊食壽司，「成件事真係好溫馨好開心」。相反，第一次買六合彩不中，當時「係咁啱我喺學校喊完返嚟，跟住阿爸話買，因為佢哋嗰陣時話要離婚，所以我覺得關負能量正能量事？我買六合彩嗰日真係好好好好好好開心。」
網民紛紛留言熱議：「應該係中頭獎，好羨慕。」「爸爸媽媽心理質素好好，無畀橫財蒙閉雙眼，咁先可以好好守住財富。」有人表示：「好似睇緊現實版嘅港產片《家有喜事》咁。你寫得好好啊，一家人好可愛！你們值得現在擁有嘅嘢。」有人則提醒女事主保持低調：「感覺到你好似好想爆呢個多年秘密出嚟，想提下真係盡量唔好。」
資料來源：星島頭條
好工推介
| 秘書 | Samso & Co | 30 May 2025 | |
| 營業代表 | 萬邦珠寶有限公司 | 20 May 2025 | |
| 見習收銀員 / 見習店務助理 | Wan Kee Group 允記集團 | 13 May 2025 | |
| 高級店務員 | Wan Kee Group 允記集團 | 13 May 2025 | |
| 半職見習店務員 | Wan Kee Group 允記集團 | 13 May 2025 |
職場熱話
- 1
- 2
-
同事表面友善背後放冷箭？打工仔慘變「是非精」箭靶！學識呢幾招保護自己更重要！
TOP 1 -
做在職媽媽並非好事？哈佛研究：事業媽媽子女更易成功！
TOP 2 -
英國推AI助手改善公務員工作 每日慳近半小時工時
TOP 3 -
中六合彩後生活會變成點？得主女兒：父母中獎後性格劇變 欣賞佢哋冇畀金錢蒙蔽雙眼
TOP 4 -
公屋最差屋邨掀爭議 多條邨上榜被列大鑊原因 網民：人心不足？
TOP 5
-
關注組版主發表27頁長兩餸飯經濟報告 一盒飯映照經濟及文化變遷
TOP 6 -
工時長人工低選擇轉工 卻被母親無情指責 慘被鬧「唔生性、冇用」
TOP 7 -
女上司麻煩過男上司？網友反駁：「有啲人天生愛控制，無論男女都係咁！」
TOP 8 -
日本企業推行商用名字制度 打工仔對客可使用假名 避免被人起底或騷擾
TOP 9 -
內地「存款千萬換實習」惹熱議 業界：產品收益差距縮 增值業務變護城河
TOP 10
-
理財7大誤區 你中幾多個？避免常見理財錯誤
TOP 11 -
住深圳 日日搭高鐵返工 打工仔大讚極方便 網民看法不一：齋搭車都要三千蚊
TOP 12 -
消費降級係咩感受？中年打工仔：「最難受莫過於身邊人要陪你一起捱」
TOP 13 -
國際勞工組織研究：文職最容易被AI取代 女性受影響風險較男性高出2.8倍
TOP 14 -
政府推銀髮經濟30項措施 包括釋放銀色生產力 推廣長者友善僱傭措施
TOP 15
-
中年轉工人工少一千 但工作量少加上人事唔複雜 網民：「賺咗！出糧會捐款做善事」
TOP 16 -
失業、裁員、公司執笠 香港真係進入十年衰退期？
TOP 17 -
6.1起領取交通補貼門檻提高至500元 每月最多補貼呢個數
TOP 18 -
樓價跌三成 租金升三成 打工仔 呢個時勢轉租為買係咪明智？
TOP 19 -
買兩餸飯仲平過自己煮？網民：「平時買餸都百幾蚊 $45兩個餸已經夠食」
TOP 20
