澳門住、香港返工，值唔值得？近日有打工仔在Threads發文分享自己的「跨境打工日常」，透露自己每日清晨由澳門出發，經港珠澳大橋到上環上班，來回需時4個半鐘，但仍笑言「呢份工開心、冇壓力」，即使舟車勞頓都值得。帖文一出，隨即引來大量網民熱議，不少人直呼：「真心Respect！」
每日清晨出發 港珠澳口岸人頭湧湧
事主分享，自己每天早上七、八點出門，經港珠澳大橋口岸過關到香港返工。他指：「本以為自己係另類，但每日都見到好多住澳門、珠海嘅人都係香港返工，真係唔少人同我一樣。」
由於上環開出的澳門頭班船太遲，他只能選擇搭「金巴」過海。他表示，雖然每日交通費接近200元，但平日自備午餐可慳返幾十元，「計落都仲可以接受」。
堅持跨境上班 「小朋友喺澳門讀書」
對於為何不乾脆搬到香港住，他直言原因簡單：「另一半喺澳門做嘢，小朋友喺澳門讀書，所以暫時都只能每日來回。」
他補充指，其實在香港也有地方可住，但因家庭關係選擇繼續通勤。「以前單身嗰陣都長住香港，但有咗家庭就唔同，要陪住小朋友。」
每日4個半鐘車程 變成「閱讀時光」
他形容自己早已習慣長時間車程，反而懂得善用時間。「每日來回4個半鐘，我會睇書，為呢份工我仲特登買咗個電子閱讀器，重新養成每日睇書嘅習慣。」
他又指，雖然通勤時間長，但工作環境舒適、壓力較少，「以前份工搭15分鐘巴士返工，但做到差啲抑鬱；依家路程遠啲，但心情真係好咗好多。」
網民熱議：有人佩服、有人質疑「值唔值？」
帖文引起不少網民共鳴，留言區熱烈討論。有人大讚：「交通費事少，日日咁長通勤真心Respect。」亦有人質疑：「即使五萬蚊人工都要考慮吓，通勤時間咁長，真係頂得順咩？」
有網民指自己同樣是「澳門人香港返工」，但最終決定在港租屋，「價錢其實差唔多，但可以訓多幾個鐘，夜晚返屋企又唔會太夜，個人精神啲。」
另有住深圳嘅網民留言：「我細佬喺香港機場返工，深圳住緊，聽講好多香港人而家搬去珠海未來城，朝早過港珠澳口岸返工，已經成常態。」
「返工還好，放工先攰！」網民：打風返屋企要四個鐘
不少網民留言分享經歷，感嘆跨境上班的辛酸：「返工還好，放工先攰，上環坐巴士去口岸、搭金巴返澳門，再轉巴士返屋企，唔塞車都要八點幾先到。」
亦有人憶述：「以前打風嗰日，提早四點半放工，結果塞足四個鐘先返到屋企，真係試過就知咩叫攰。」
「每日山長水遠過黎返工，但值得」
事主最後在帖文寫道：「呢份工做得開心＋無壓力，值得我每日山長水遠過黎返工。」
雖然每日舟車勞頓，但他認為，能夠陪伴家人、保持心情輕鬆，就是這段旅程中最大的收穫。
好工推介
職場熱話
- 1
- 2
-
在職家庭及學生資助事務處招聘調查主任 月薪$35,380、中學學歷可申請、需8年行政經驗
TOP 1 -
失業後狂碌招聘網站停不了？打工仔掀「沉迷揾工」現象 愈揾愈焦慮
TOP 2 -
都大學術質素獲國際肯定 多元應用課程重實戰 助畢業生掌握職場優勢
TOP 3 -
同事成日話唔識 其實係卸膊伎倆？「將無能當武器」累死好員工 專家傳授6招自救心法
TOP 4 -
全職媽媽欲重返職場遭建議「做保姆、送外賣」離開職場幾年就要被淘汰？重新求職應先做好4大準備
TOP 5
-
「返寫字樓工」未必再穩陣？全球最大招聘公司：技工人工過去四年升三成 AI年代更吃香
TOP 6 -
富衛調查：64％港人憂財務狀況 退休平均需640萬 或現4年「財富缺口」
TOP 7 -
返工狂犯低級錯誤 做到「懷疑人生」 6大招數減少犯錯
TOP 8 -
AI衍生多個新工種 拍家務片可以賺錢 哲學系畢業生逆市翻身？
TOP 9 -
港人平均請3.78日病假 腸胃疾病最常見 九成企業已推健康支援措施
TOP 10
