有網民在社交平台發帖，指荃灣一公屋是「公屋最差屋邨」，掀起熱烈迴響，數以百計網民蜂擁留言列舉心目中最差公屋屋邨，多條邨因各種原因上榜，引發爭議，有網民則質疑各花入各眼：「人心不足？」
有網民在「公屋討論區 - 香港facebook群組」FB專頁發帖，指「公屋最差屋邨一定石圍角（邨），唔方便。」石圍角邨位於荃灣區東北部，該網民指石圍角邨交通不便。
有網民表示讚同指該邨「無嘢好食，日日好像遠征一樣」，不過，不少邨內街坊留言反駁：「石圍角（邨）只是舊，交通算方便，配套亦足夠。」
「石圍角邨嘢食多，加上(巴士)43X落荃灣都快，好似小巴都落到葵芳，仲有勁頹既(小巴)32M，32M再密啲就好。」「由細住到大，石圍角不知幾方便。」「好過新樓好多。」有網民更表示：「最想住嘅就係石圍角（邨）。
荃灣石圍角邨ＶＳ象山邨
帖文引發網民熱烈留言，列舉心目中最差公屋屋邨，有網民認為，鄰近石圍角邨的荃灣象山邨「差啲」，原因是交通「隔涉」，有網民更以「死城」來形容。
有網民指：「石圍角（邨）離綠楊新邨唔太遠喎！！象山（邨）就真係攞命喇！！」「梨木樹（邨）起碼有部份城隧線可揀，去過象山（邨），（交通）真係比較差。」有網民又指象山邨老化，像「老人邨」「退休勝地」。
有網民又指象山邨只有一間快餐店和超市、另有老人院和兩間士多，「真係無街市、行動不便老人家，根本落唔到荃灣買餸及日用品。」
不過，部分網民則不同意，指象山邨單位大而且邨內空氣好：「象山（邨）舊，不過住大少少，裝修後都幾好用，象山（邨）啲單位真係好大，特別中間個座。」「象山邨有城門谷公園喎，知唔知有幾好空氣呀。」
石硤尾澤安邨「乜嘢都無」？
除象山邨外，另一較多網民提及的為石硤尾澤安邨，有網民指邨內「乜嘢都無」，只「有個士多，有間餐廳」，「依家連間超級市場都執埋喇，得返一間餐廳。」
部分街坊又指澤安邨交通不便：「想買餸落石硤尾啦，想行路上呀，半個鐘以上才返到屋企，喺石硤尾行上去，有車不過十點鐘就最尾一班小巴。」
「你住澤安（邨），去旺角得87B一架車，仲要等半粒鐘，旺角以南同過海係完全冇車，真係市區最差既公屋。」
多個九龍屋邨被指交通「隔涉」 有人不認同
有網民指，除澤安邨外，葵涌麗瑤邨和在該邨上面的祖堯邨，亦屬交通較為「隔涉」的公屋屋邨。
有網民指秀茂坪邨同屬交通不太方便：「未見識過紫禁之癲...秀茂坪（邨），100米高海嘯都未必影響到...」有網民則提及秀茂坪寶達邨，但被區內街坊反駁：「寶達(邨)行到落將隧轉車站已經贏晒啦。」
九龍方面，有網民再提出黃大仙彩輝邨，指該邨「樓下得一間7仔，要行大鈄路落彩雲，雖有小巴，但長者日日搭小巴或行大鈄路上落都幾係嘢」。
不過，有網民則表示「我會接受到彩輝邨，叫做夠靜」，有街坊則回應說：「你重後生就可以，如果係老人家住彩輝邨真係幾痛苦，舉例係旺角返去，搭27係彩雲行上去都幾辛苦，斜路係冇得避。」但另有街坊留言教路：「有電梯通道由豐澤樓去商埸，不需行斜路。」
有網民則指鑽石山富山邨，指該邨太近殯儀館：「富山(邨)本身有舊式商場，街市近彩虹、慈雲山，但近大酒店。」
另外，有網民則出葵青安蔭邨交通不便，而葵涌葵盛邨「凌晨連N車都無」，不過，有街坊留言反駁：「安蔭(邨)唔算唔方便啦，起碼叫做有35A、40P、935。」「葵盛(邨)凌晨有N237。」
數條新界屋邨上榜惹爭辯
新界方面，有網民提出新建的屯門業旺邨交通不便：「業旺村，你要落車喺友愛邨行過去，有直車57M但結果要等五個字。」
不過，有街坊則不同意：「業旺屯門站直行10分鐘就到，可以唔使駁腳。」但另有街坊指出：「都要睇你住邊一座㗎。」「要好急步先可以10分鐘。」
有網民則提出元朗朗善邨，有街坊投訴指住在朗善邨「出街一定要搭小巴出元朗，一間U購，一 間銀龍，其他乜都冇。趕時間，的士都冇一架會入黎。」「仲要晚上10:30冇哂小巴返邨，只有搭的士。」
有網民指大埔富蝶邨交通不便，不過有網民不同意：「咁富蝶都有72K，10分鐘到太和站。」
部分網民亦提出屯門寶田邨、天水圍天恩邨、沙田新田圍邨、屯門景田邨，指交通及購物配套不足，有網民又指寶田邨有些治安問題，但未有詳細交代。
港島離島這些公屋有人喜歡有人愁
港島方面，有網民提出柴灣峰華邨、興民邨、大坑勵德邨和南區田灣邨，指這數條屋邨交通配套不足，有網民特別指出田灣邨「冇地鐵，全靠巴士小巴，去銅鑼灣要過香港仔隧道，繁忙時間唔知而家會唔會塞車，另外一邊就經薄扶林去西營盤、上環。」
部分網民亦認為離島區公屋如大澳龍田邨、長洲長貴邨同雅寧苑，「基本上唔啱需要返工嘅人」，不過，有網民指交通雖較遠，但有其優點如空氣較佳：「大澳行山、買海味都方便又近郊區，又大，只係交通唔方便。」
人心不足？網民：公屋已經比私樓好
對於網民提出心目中「最差公屋屋邨」，部分網民認為各花入各眼，各屋邨均有其優點及缺點：「人心不足？」「有得公屋住，咩都好。」
「同一個位置，起公屋就比人嫌棄最差，起私樓就叫私隱度高，清幽。」「總之你認為那一條公屋邨最爛最唔方便都好，都係住到滿。」
「公屋已經比私樓好，因為公屋人流多，政府多多少少會安排車同商場。」
資料來源：星島頭條、「公屋討論區 - 香港facebook群組」FB專頁
好工推介
職場熱話
- 1
- 2
-
同事表面友善背後放冷箭？打工仔慘變「是非精」箭靶！學識呢幾招保護自己更重要！
TOP 1 -
做在職媽媽並非好事？哈佛研究：事業媽媽子女更易成功！
TOP 2 -
英國推AI助手改善公務員工作 每日慳近半小時工時
TOP 3 -
中六合彩後生活會變成點？得主女兒：父母中獎後性格劇變 欣賞佢哋冇畀金錢蒙蔽雙眼
TOP 4 -
公屋最差屋邨掀爭議 多條邨上榜被列大鑊原因 網民：人心不足？
TOP 5
-
關注組版主發表27頁長兩餸飯經濟報告 一盒飯映照經濟及文化變遷
TOP 6 -
工時長人工低選擇轉工 卻被母親無情指責 慘被鬧「唔生性、冇用」
TOP 7 -
女上司麻煩過男上司？網友反駁：「有啲人天生愛控制，無論男女都係咁！」
TOP 8 -
日本企業推行商用名字制度 打工仔對客可使用假名 避免被人起底或騷擾
TOP 9 -
內地「存款千萬換實習」惹熱議 業界：產品收益差距縮 增值業務變護城河
TOP 10
-
理財7大誤區 你中幾多個？避免常見理財錯誤
TOP 11 -
住深圳 日日搭高鐵返工 打工仔大讚極方便 網民看法不一：齋搭車都要三千蚊
TOP 12 -
消費降級係咩感受？中年打工仔：「最難受莫過於身邊人要陪你一起捱」
TOP 13 -
國際勞工組織研究：文職最容易被AI取代 女性受影響風險較男性高出2.8倍
TOP 14 -
政府推銀髮經濟30項措施 包括釋放銀色生產力 推廣長者友善僱傭措施
TOP 15
-
中年轉工人工少一千 但工作量少加上人事唔複雜 網民：「賺咗！出糧會捐款做善事」
TOP 16 -
失業、裁員、公司執笠 香港真係進入十年衰退期？
TOP 17 -
6.1起領取交通補貼門檻提高至500元 每月最多補貼呢個數
TOP 18 -
樓價跌三成 租金升三成 打工仔 呢個時勢轉租為買係咪明智？
TOP 19 -
買兩餸飯仲平過自己煮？網民：「平時買餸都百幾蚊 $45兩個餸已經夠食」
TOP 20
