職趣事
應老友邀請 加入公司推行改革 點知成為磨心 被下屬多番無視 究竟係自己無能定被朋友利用？
20 May 2025
近日一名網民喺Threads分享一段職場血淚史，指今年年初應一位識咗接近20年、現任公司總監嘅老朋友邀請，加入其公司協助推動改革，仲要一入職就帶兩個團隊（A team同B team）。點知一番熱誠換嚟嘅，竟然係冷眼與內鬥，最終連友情都變質。
網民透露，雖然係總監邀請，但實際工作環境極不友善。A team態度敷衍，常以「太忙」為由拖延溝通；B team雖願意開會，卻十問九唔應，甚至回覆內容離地兼毫無建設性。佢試過請飯、鼓勵、主動聯繫做晒所有可以做嘅嘢，依然無改善。
最終A team竟主動向總監投訴，話唔滿意佢推動嘅改革方向。事主感到委屈，因為整個改革其實係由總監本人提出，佢只係負責執行。即使總監出面叫兩個團隊收手，A team嘅「紅衛兵」照樣搞風搞雨，最後甚至繞過佢直接向總監匯報。
呢段友情因工作壓力而出現裂痕，佢更不禁自問：「我應該點樣面對一個識咗接近20年嘅朋友？或者，佢仲係咪我朋友？」
網民反應兩極 有人話無能有人話俾人出賣
有網民直言：「你空降又無實權，仲要問人意見，想人點服你？」認為事主能力唔夠；但亦有人認為，根本就係總監自己唔想做醜人，特登搵老朋友上場做改革替死鬼。
更有建議事主直接問總監攞實權，炒走A team最大嗰個，再升B team中聽話嗰位，減少內部阻力；否則離職另覓機會，因為「真正無實權，再高職都係俾人利用」。
亦有網民感慨：「我都係真心做嘢嗰種人，好明白你幾灰。辦公室政治玩得太過，會逼走啲真材實料。」建議事主應該集中同肯做事嘅人合作，唔好再理啲戲多之人。
事件雖然屬個案，但反映香港職場普遍存在「政治主導一切」嘅情況。對於有理想、有幹勁嘅員工而言，呢種文化只會令人心灰意冷。
好工推介
職場熱話
- 1
- 2
-
在職家庭及學生資助事務處招聘調查主任 月薪$35,380、中學學歷可申請、需8年行政經驗
TOP 1 -
失業後狂碌招聘網站停不了？打工仔掀「沉迷揾工」現象 愈揾愈焦慮
TOP 2 -
都大學術質素獲國際肯定 多元應用課程重實戰 助畢業生掌握職場優勢
TOP 3 -
同事成日話唔識 其實係卸膊伎倆？「將無能當武器」累死好員工 專家傳授6招自救心法
TOP 4 -
全職媽媽欲重返職場遭建議「做保姆、送外賣」離開職場幾年就要被淘汰？重新求職應先做好4大準備
TOP 5
-
「返寫字樓工」未必再穩陣？全球最大招聘公司：技工人工過去四年升三成 AI年代更吃香
TOP 6 -
富衛調查：64％港人憂財務狀況 退休平均需640萬 或現4年「財富缺口」
TOP 7 -
返工狂犯低級錯誤 做到「懷疑人生」 6大招數減少犯錯
TOP 8 -
AI衍生多個新工種 拍家務片可以賺錢 哲學系畢業生逆市翻身？
TOP 9 -
港人平均請3.78日病假 腸胃疾病最常見 九成企業已推健康支援措施
TOP 10
