有銅鑼灣醫療診所的中醫師出帖，指有港女近日到診所求診，要求開「兩日假紙」被拒，其後竟走數，無付診金便離去，他在帖文中強調：「無論中醫或西醫，醫務衛生署也訂明批病假的守則，請大家不要挑戰我的專業。」
該中醫師在社交平台Threads發帖，講述這次不愉快經歷，引起網民熱議，詳情如下：
該中醫師表示，剛過去的周六（11日），一名30多歲的女子來求診，她是新症，表示自己有上呼吸道問題。中醫師為她把脈，發現脈象比較平和，所以，決定開1天病假給她。該女病人即問他：「可不可以開2日病假？」該中醫師拒絕，並表示：「不可以，你冇發燒或其他感染係，所以，只有1日病假。你食咗藥先，應有改善。」之後，該病人「出左去」等取藥，她向診所姑娘表示要去洗手間，「跟住，就走左冇返來。」
該中醫師表示：「無論中醫或西醫，醫務衛生署也訂明批病假的守則，請大家不要挑戰我的專業。」他又強調：「買病假的假病人，請移玉步」，「每一個病人我都用心去看，而且，中醫講求尋找病因，才可制定適合的治理方案。一個假病人，不僅秏費心力時間找尋原因，也因這樣延誤咗其他有需要的病人。」
帖文引發網民熱議，反應兩極，部分網民認為該港女可能並非假病，只是想多一天病假休息，認為醫師應該體諒：「我都試過，我自己覺得好唔掂，醫生唔肯開多日病假......咁我即閃睇第二個......我睇醫生就係想休息，想好返呀......」「其實休息一日點會夠，生病過都知道，排症都半日。」「每次食完藥個人都勁攰，2日真係不為過。」
不過，部分網民則力撐該醫師的專業判斷：「好醫師有操守。」「D留言好痴線！明明都話脈象比較平和，即使個病人有病，都勁小事囉！比一日假有咩問題！？明明就詐病，唔篤爆佢比一日假已經好好！仲嫌假少，走數！好X街囉。」「留言啲人勁恐怖......完全無視人哋個專業判斷。」
「作為專業中醫，我有專業守則去遵守」
該中醫師其後再留言表示：「我覺得好多人都唔明白，其實，醫務衛生署係有對於病假係有一定守則，咩病可以放幾多日假，唔係中西醫鍾意畀你，點放就點放，也不是病人想放幾多日就放幾多日。」「可能我唔開咁多日假，佢唔高興（好似留言都好多人唔高興），不過，作為專業中醫，我有專業守則去遵守。」
他又表示：「唔緊要！可能我唔適合呢D病人，咁我咪留返時間做我的病人。我的99.9%病人也是正常，真係好少有呢D case。」
資料來源：星島頭條
好工推介
職場熱話
- 1
- 2
-
30歲港男月入五萬壓力爆煲 供樓養兩孩 最驚病倒全家冇著落
TOP 1 -
25歲唔想行冤枉路？網民真心分享5個人生建議
TOP 2 -
打工仔以為同上司相處融洽 遞信後對方態度轉變 「唔知係關心定係不滿」
TOP 3 -
假性上班效率低 健康危害大 帶來嘅損失仲多過請病假
TOP 4 -
杭州「扮返工公司」爆紅求職者日貼30蚊體驗職場生活
TOP 5
-
職場上扮友善先有分加？專家揭討喜勞動現象
TOP 6 -
餐廳請人驚遇「見工替身」？WhatsApp對話1反應揭「返工嘅係第二個人」 網民籲小心：請錯黑工就大鑊
TOP 7 -
每逢放假狂諗公司嘢 怕一返工又俾人抽秤 點先減少無謂憂慮？
TOP 8 -
IFF在港發表全球人工智能競爭力報告 金發局：港AI人才競爭力顯著
TOP 9 -
社會福利署招聘二級社會保障主任 月薪2.6萬至6.1萬
TOP 10
