常聽說「三十而立」，指30歲以後便有所成就，但亦有人卻選擇活在當下、餘生過著「佛系退休生活」！有30多歲的港男表示，自己受已病故的爸爸影響，現時只做兼職，平時上興趣班及做運動，享受「work-life balance（工作生活平衡）」。
該名港男在網上玄!區「連登」上，以「做兼職做過世都幾好」為題發文，指自己現時已30多歲，與家人同住自置物業，有女朋友；前年他被解僱後便只做兼職賺錢，「其實都唔hea（懶散），Part-time（兼職）返3日，興趣班返兩日，隔日做吓運動，有時仲覺得忙𠻹。」他表示，女友並不完全認同其理念，但表示會支持他，而且兩人沒有生育計畫。
樓主指，每月做服務業的兼職可以賺到約6,000元（《便利店新星》劇照）
樓主指，每月做服務業的兼職可以賺到約6,000元，形容「兼職夠食夠買夠畀家用」，平日亦會報讀語言、煮食、沖咖啡、調酒等各種興趣班，「而家PT（part-time，兼職）就搵幾多使幾多，盡量唔使以前儲落嗰啲……豪食/大使咗咪返多幾日PT，唔使慳住用，但都要控制好支出。」
樓主表示，自己沒有上進心，更無意置業供樓「成世咁困身」，但身邊的人都不太能認同他的做法，「覺得搵咁少點夠30年後退休」，但他就認為現時已在過退休生活，反問「唔係仲開心咩？」他坦言，老來的生活「做到冇力咪等政府養」，「嗰時牙都甩晒，邊有力周圍打卡食好嘢；老咗如果有地方住，日日落樓下公園X坐吹水，我諗唔使得幾多錢。病咗咪唔好醫，都活得夠耐。」
樓主表示，自己沒有上進心，更無意置業供樓「成世咁困身」（《便利店新星》劇照）
樓主解釋，自己之所以有如此選擇，是因為數年前，59歲的父親患癌病逝，「成世人辛苦返工進修升職供樓換樓養我哋，做到50幾歲終於捱到病咗。係呀，之後嗰幾年終於退休唔使返工啦，但成日出入醫院仲要醫唔返」。因此樓主決定只做兼職，希望人生過得「有意義啲」，可以有更多時間做想做的事；他又指，做全職「冇晒人生先係同死人一樣」，「搵錢儲錢儲得咁辛苦，真係有命留到退休用咩？」
帖文引起網民熱議，有人認同樓主的選擇，指生活並非只追求物質，而是求輕鬆、快樂及健康，「咁辛苦做咩啫…自己開心最緊要」、「咁樣都幾幸福」、「同樓主諗法一樣，後生要玩下先，老咗玩唔玩到都成問題」、「咁樣過到咪咁過，冇必要辛苦自己，有時間最好養成埋運動習慣，有個健康嘅身體好緊要」。
不過亦有網民認為樓主的生活態度，有機會令女友拋棄他，而你老來如單靠社會福利，生活質素未必好，「我諗你過兩年就要擔心了，主要係你女友擔心」、「但係到你真係退休點算，邊度仲有力返呢啲散工」、「咁樣係可以，但係個生活質素唔會好得去邊」、「人哋後生嘅時候打份牛工，至少老咗嘅時候都有啲積蓄冇嘢輕鬆吓，唔想淨係靠老綜，食餐飯都要計住」。
資料來源：連登/星島日報
好工推介
職場熱話
- 1
- 2
-
酒店管理三年制學士課程 理論＋實踐 提升軟實力
TOP 1 -
「職場新丁」勿放棄儲蓄及投資 盤點6大低門檻方法 捕捉股市升勢兼收息
TOP 2 -
辭職休息就等於懶 網民：香港職場對休息仍相當保守
TOP 3 -
同同事打招呼但係被無視 網民：係咪香港職場先會咁？
TOP 4 -
返工鍾意獨處 唔合群就係錯？3種方法保持最低限度溝通
TOP 5
-
微軟研究：「無限工作日」成職場新常態 朝六收電郵 晚十開會 每日平均收270工作訊息
TOP 6 -
七一放假好去處 海洋公園二人同行八折 M＋科學館免費入場
TOP 7 -
郵政署招聘會計主管 月薪$18,916 申請人須具備咩條件？
TOP 8 -
中大調查：七成市民認為香港貧富懸殊嚴重 約一成表示入不敷支
TOP 9 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 10
