涉及加密貨幣的投資騙案屢見不鮮。有港男在網上發文指，近日得知妻子「玩幣市」，但在網上搜尋其交易平台時，發現大多涉及詐騙案，並相信妻子亦已墮入騙案。他指，妻子為投資而向銀行借貸「1球」，並指粗略估計現時的欠款總額在220萬元以內。
該名港男在連登討論區以「發生咗啲事唔知點同身邊嘅人講」為題發文，提到自己「打份普通工」，月入3萬元，而妻子的月入則為約4萬元，兩人「拍拖2年，結咗婚2年，本來一切都好美好」。直到近日妻子告訴他「玩緊幣市」，而他在網上搜尋其交易平台時，發現大多涉及詐騙案，亦相信她錯誤點撃釣魚網站進行交易。他指，「我自己研究過成單野之後，應該都奶咗90%嘢」，並指「老婆話佢問行借咗1球…加埋自己儲落30幾個入去」，又指隨即提醒對方在相關戶口中取回所有金錢，而妻子則指需等待2至3日。港男即時已崩潰，但看到對方擔心的表情，「我真係唔忍心怪責佢」，並指「我亦都反省咗自己，係咪我將所有嘢交晒畀佢，令佢太大財政壓力」，又指除了等待沒有其他可做的事，「食飯飲水都諗住嗰一球」。
他又指，自己並非運氣好的人，但一直未曾經歷大波折，每次亦可靠自己解決危機，但指「今次可能係我人生嘅轉捩點，第一次完全唔知可以點做，好絕望」。他亦提到，現時只能不斷安慰自己，並直言「如果我老婆有咩事，同依家嘅情況揀，我一定揀無晒錢都要老婆平平安安」，又自責「佢全心全意想幫我管理好財務，可能我畀咗太多責任佢」，又指曾有過離婚的念頭，「但係之後已經覺得無呢個option，因為我地真係好愛對方」，並指「我只係諗緊點樣可以幫佢，愛一個人就係互相扶持同包容」。
他亦提到，自己對賭錢很反感，對於投資亦沒有研究，妻子則認為要靠投資以增值，但自己未有理會妻子進行正常投資，在事發前亦覺得「最多咪輸晒幾年積蓄，完全無諗過佢會借錢去玩」。他又補充指，「佢應該用咗阿媽20K，我哋積蓄40-50K，信用卡分幾間分期透支咗100幾萬，total可能200萬左右」，隨後再指粗略估計現時的欠款總額在220萬元以內，「依家乜都唔做的話，每月還50000，60期，但未計其他開支，供樓等，不過我都會繼續正面啲面對」，並指會到銀行了解有否方法可以「攤開啲還或者債務重組…結餘轉戶等等睇下邊個方案最有幫助」。
相關帖文隨即引起網民熱議，不少人留言安慰樓主，並指「一球野都應該凍過水，不過你2個人工咁高加埋70K，慳慳地2、3年都搵返啦」、「唔係話鬥慘定係點，近呢年真係個個都幾十萬一球咁輸。教訓嚟嘅，一齊互相支持行落去最緊要」、「認清個現實計好條數重新出發，加油巴打」等。另有不少人直言「投資最忌輸身家」、「投資最忌借錢」、「幣都已經高風險，仲要借錢玩」、「投資真係要量力而為，如果唔係真係累全家。。。我都畀人累過」等。
帖文來源：連登討論區
資料來源:星島日報
Tag cloud:
好工推介
職場熱話
- 1
- 2
-
Netflix首用生成式AI製作影集 製作速度快10倍 有效降特效成本
TOP 1 -
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 2 -
銀聯：Z世代收入增加比例最明顯 39％消費者削非必要支出
TOP 3 -
日本興起出租阿嫲 唔只做家務湊細路 仲可以陪談判分手
TOP 4 -
公共圖書館變「扮工」聚腳地？失業港人每日必到＋做3件事
TOP 5
-
87％港畢業生對前景充滿信心 最愛金融及STEM行業 憂AI帶來顛覆
TOP 6 -
KAM爆新仔突問女上司「點解條件咁好都未結婚」 對方一招KO！
TOP 7 -
電話鬧鐘唔識響？係手機Bug作怪！網民總結８大方法自救
TOP 8 -
DSE放榜 未達2222A有咩出路？升學／就業課程任你揀
TOP 9 -
30歲後選擇半躺平人生 為心靈健康 只返兼職度日 與其杞人憂天 不如活在當下
TOP 10
