港男住公屋就注定被人「睇死」？有男網民日前大吐苦水，指其表姐準備結婚，獲男家出首期購買新居，本來都替對方感到高興，怎料阿姨近日拜年時竟對他「公開處刑」，奚落同樣家住公屋的他「呢個年代無樓，無女肯跟你」，令他感到相當尷尬及難受，不禁問一眾網民：「男人住公屋就要畀人踩？」
一名男網民昨日在網上討論區「連登」以「近排表姐結婚 慨嘆點解女人住公屋都可以做人生贏家」為題發文，指家住公屋的表姐3年前透過交友應用程式，認識了一名家境不錯的男子，現時已到了談婚論嫁的階段，
事主阿姨近日拜年時對他「公開處刑」，奚落同樣家住公屋的他「呢個年代無樓，無女肯跟你」
本來樓主都很替這位從未拍過拖的表姐高興，「可以喺交友App度覓得如意郎君，我都為佢感到高興」，不過近日就發生了一件事令他感到難受。話說農曆新年期間，表姐全家到樓主家拜年，阿姨竟開始瘋狂「曬命」，指女兒未婚夫的父母將會付首期給他們二人買樓，又問樓主的母親「收唔收禮金好」等。這樣還不夠，阿姨竟然「燒埋樓主嗰疊」，對樓主「公開處刑」，「X仔，你要加油喇，呢個年代無樓無女肯跟你㗎！」
當時飯枱有很多人在，令樓主大感尷尬及悲憤，只好「黑口黑面咁哦咗聲就算」。對此，樓主表示「佢（表姐）嫁入中產飛上枝頭，我絕對為佢感到開心，但係點解佢哋要補我刀？……點解世界咁唔公平，男人住公屋就要畀人踩？」樓主之後又補充指，自己的父親爛賭，自己又過瘦、樣貌平平，形容「中哂所有唔好嘅嘢」。
帖文引來大批網民留言，不少人都主動安慰樓主，叫他切勿氣餒，「其實住公屋嫁公屋仔仲好，唔使做樓奴」、「其實大把三尾四頭的事業形女士都對愛情好有憧憬，佢地唔介意另一半係點，只要真心鍾意佢就得」、「有幾贏啊？仲要供到死死吓又要驚畀人炒」、「有時啲親戚開心得滯係亂講嘢」、「男人畀心機做嘢，帶眼識人，唔好睇樣睇身材咁膚淺，一定識到好女仔同你一齊過人世！」
資料來源：星島日報
好工推介
職場熱話
- 1
- 2
-
酒店管理三年制學士課程 理論＋實踐 提升軟實力
TOP 1 -
「職場新丁」勿放棄儲蓄及投資 盤點6大低門檻方法 捕捉股市升勢兼收息
TOP 2 -
辭職休息就等於懶 網民：香港職場對休息仍相當保守
TOP 3 -
同同事打招呼但係被無視 網民：係咪香港職場先會咁？
TOP 4 -
返工鍾意獨處 唔合群就係錯？3種方法保持最低限度溝通
TOP 5
-
微軟研究：「無限工作日」成職場新常態 朝六收電郵 晚十開會 每日平均收270工作訊息
TOP 6 -
七一放假好去處 海洋公園二人同行八折 M＋科學館免費入場
TOP 7 -
郵政署招聘會計主管 月薪$18,916 申請人須具備咩條件？
TOP 8 -
中大調查：七成市民認為香港貧富懸殊嚴重 約一成表示入不敷支
TOP 9 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 10
