處於拼搏的年紀，卻得悉患癌噩耗實在教人難以置信。一名25歲打工仔於社交網發文指，開始新工數天後，竟收到醫院通知確診急性血癌，須入院接受化療。他得悉後猶如晴天霹靂，更不想因此失去事業，即使治療期間仍埋首工作，引起網民熱論。
25歲打工仔返新工突患血癌 ，入院化療仍堅持工作。連登討論區圖片
該名打工仔於「連登討論區」發文指，自己從2019年畢業後一直任職文員工作，直至今年5月尾跳槽，轉任職人力資源範疇工作，並得到賞識及教導，對薪酬及文化都十分滿意，「返工好開心，唔會望住嗰鐘等放工」。可惜好景不長，樓主日前發現自己確診急性血癌，需要立即入院接受化療。
樓主嘗試與公司溝通，並提出「停薪留職」的意願，但知道方案難以實行，家人亦勸喻他要辭職，強調應顧及自己健康最緊要。在接受化療期間，樓主仍堅持於醫院開zoom視像會議，稱「人哋一日未炒我，plan好嘅onboarding我都會想聽、想學，只係咁，唔係奴性重」。
樓主直言找到一份理想的工作十分艱難，而且不想因為「空白期」，在康復後「打回原形」，失去工作前景。面對現時處境，他亦不禁悲從中來，「一諗到自己變到好廢，成朵溫室花咁要成日俾人mon住，做嘢無曬job security，屋企人同我講電話又扮無喊緊，一諗起呢啲我就好唔爭氣咁喊」，故希望能與網友「圍爐取暖」。
有網友為樓主寫紙條打氣。連登討論區圖片
樓主其後補充指，自己於1997年出生，有運動習慣，不煙不酒，亦沒有免疫失調徵狀，而他原先有甲狀腺亢進問題，長期服食甲狀腺藥及定期抽血。豈料5月接受抽血檢查後，醫生告知他的血小板數值過低，需要立即入院治療。
一眾網民紛紛留言為他打氣，「錢幾時都搵得返，健康冇咗呢世都搵唔返，點都好照顧好自己先，人無事先做到世界冠軍」、「最重要係健康，好好休息啦」、「唔好諗住返工，好好休息聽話做化療」，樓主其後亦分享了一張網友為他手寫的打集紙條「巴打加油！祝早日康復」，並留言感謝，「我會加油㗎啦」！
資料來源：連登討論區、星島日報
好工推介
職場熱話
- 1
- 2
-
酒店管理三年制學士課程 理論＋實踐 提升軟實力
TOP 1 -
「職場新丁」勿放棄儲蓄及投資 盤點6大低門檻方法 捕捉股市升勢兼收息
TOP 2 -
辭職休息就等於懶 網民：香港職場對休息仍相當保守
TOP 3 -
同同事打招呼但係被無視 網民：係咪香港職場先會咁？
TOP 4 -
返工鍾意獨處 唔合群就係錯？3種方法保持最低限度溝通
TOP 5
-
微軟研究：「無限工作日」成職場新常態 朝六收電郵 晚十開會 每日平均收270工作訊息
TOP 6 -
七一放假好去處 海洋公園二人同行八折 M＋科學館免費入場
TOP 7 -
郵政署招聘會計主管 月薪$18,916 申請人須具備咩條件？
TOP 8 -
中大調查：七成市民認為香港貧富懸殊嚴重 約一成表示入不敷支
TOP 9 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 10
