（星島日報報道）本港經濟內憂外患，零售及旅遊業搵食艱難，銀行界亦係頻傳裁員凍薪，但金管局見習經理（Manager Trainee, MT）人工就一路水漲船高，今年起薪更係升到4.9萬元，仲唔算完成計畫後獲發嘅一次性酬金。

回顧過去幾年MT嘅薪酬水平，2018年起薪4萬，2019年漲至4.2萬，到了今年逼近5萬蚊，按年升幅高達16.67%，真係跑贏大市，甚至係「逆市而行」。

金管局MT計畫為期2年，獲聘MT會被安排係2到3個部門工作，接受在職培訓；表現理想嘅MT，則會在完成計畫後獲聘為經理。如今世道不好，有份搭建香港國際金融中心地位嘅銀行業都唔好過；又聽聞新官上任嘅金管局總裁余偉文重用MT，若能「過五關斬六將」成功申請，可謂係筍工一份。