職趣事

 

Threads上近日有用戶發帖，直言「聽日返工好灰」，引起大量打工仔共鳴。帖文指出，公司一直以「冇預算」為由拒絕增聘人手，自己即使忙到焦頭爛額都被要求頂硬上；但最近公司突然請咗個同職級新人，而且擁有碩士學歷、經驗豐富、性別上更具優勢，令佢感到強烈壓力：「感覺遲早比人講個新人得、舊人唔掂，迫我自己走。」

 

此帖迅速在網上引起熱議，不少人留言安慰，但亦有人認為應該面對現實。

 

網民反應兩極：有人安慰、有人狠批

留言區眾說紛紜，不少人表示理解帖主的焦慮，也有網民直言這種情況「太常見」。

 

有網民表示：「公司唔要你有千萬個原因，要炒就炒，唔駛太上心。做好自己本份，走都唔丟架。」另一人則留言：「可以盡力，但唔好太上心。你唔係為公司活，返工唔應該反客為主。」

 

但亦有人提出不同角度：「睇到『性別上有優勢』太kam喇。之前呻忙，而家請人又唔開心。要諗下，會唔會係你口中嘅忙，其實只係呻下刷存在感？」亦有網民分享實際經驗：「我公司都成日請有Master，但做唔做得掂就見人見智。」

 

打工仔應心態轉變 帶住目標返工

有網民提出，與其介懷新人背景，不如調整返自己心態。他分享：「我依家都係帶住目標返工，因為一定有人比我叻。自問有做好自己份內事就夠。頂唔順咪轉工，但走之前都要請教叻啲嘅人，包括新人。」

 

這番話引起不少共鳴，大家認為返工唔一定要愛公司，但要對得住自己，持續提升自己先係關鍵。

 

 

請新人代表公司仍有成長空間

職場顧問指出，公司願意請新人，代表業務仍有增長潛力。「若公司多年唔請新血，反而要擔心前景。引入新同事係更新循環，對團隊長遠發展未必係壞事。」

 

他建議舊員工可從以下幾方面調整心態與應對策略：

1. 主動協助新同事

被安排帶新人其實係一種隱性考核。懂得介紹環境、分工協調、建立合作關係，都能展現領導與溝通力。建議留部分流程比新人學習，但考核細節應由上司講，避免造成誤會。

 

2. 學習互補而非競爭

新人學歷高不等於樣樣精。舊員工可觀察對方強項，配合自己優勢，如熟悉公司文化、人際應對，達致互補。

 

3. 教學相長

新人往往掌握最新技術或軟件，若能互相交流，反而可提升團隊整體表現。

 

4. 展現軟實力

新人對舊員工的尊重與信任，其實是對方的軟實力評價。懂得建立正面關係，有助未來合作甚至升遷。

 

 

 

專家小貼士：記住三個心法

 

 

心法	重點
1. 界定目標	清楚自己返工為咩：錢、經驗、定係跳板。
2. 分清責任與情緒	唔好攬晒啲不安上身，公司晉升係制度問題。
3. 善用新人優勢	向新人請教，反而更快提升自己競爭力。

 

 

新舊共融、共進而非鬥輸贏

公司願意投放資源請新人，說明仍然重視發展。新血未必是威脅，反而是一面鏡，提醒舊員工反思方向與技能。正如有留言寫道：「你唔會避到變化，但可以選擇點樣應對。」