正與女友租樓同居的網民在「香港討論區」發帖，指父母願意借出首期催促他買樓，但網民擔心每月供樓負擔大，而租樓則怕長遠下去被逼遷，不知如何是好。
發文者說，原本同女朋友一起租樓住，租金由男方負責，雖然租約還有一年但父母覺得與其每個月都交租「好似幫人地供樓咁倒不如我自己買樓自己供樓就算」，發文者每月租樓都要1.3萬至1.4萬元，計過供樓可能都足以應付，但現時每個月都有2000至3000元剩下來，如果供樓每個月就「唔使再諗儲錢」。他又擔心，「阿爸阿媽都話可以借錢比我地做首期，不過借完咪都係要還」。
發文者十分苦惱
發文者十分苦惱，「買樓就可以有個真係屬於自己既地方，但係買樓個負擔就會大啲。租樓每個月都係要比咁上下錢，但係每次都有啲驚業主唔同我地續約就要再搵地方搬」，不知如何抉擇好。
有網民就認為發文者應該把握機會置業，「這情況，我一定買。無錢儲不過是表面，實則供樓就是儲錢，尤其現息低。」、「『買』並唔係真正嘅買，你可以睇成畀一大舊錢(首期)出嚟，嚟換取一個可長期居住而又有穩定租金嘅單位，分別只係銀行做咗你包租公。到想同銀行退租囉，即係『賣』，到時你咪有返一舊錢囉。至於還款俾你屋企人仲易話為啦，免息貸款喎，幾多人想要都無，但你要有心理準備每月供樓加還俾屋企係幾重負擔，要還兩筆債。睇你肯唔肯捱，兩個人一齊捱會易啲嘅」、「供樓個數唔會點變，但你人工點都會加啲，供樓壓力會越來越細。租樓就唔同，租金要加可以加得好快，隨時快過你人工。」
有網民提醒就算是父母，借錢都要清楚
也有人認為，要看發文者自身經濟條件供不供得起，「供樓第一樣嘢係問自己份工穩陣嗎？人工還有上升空間嗎？」、「每個月用1.4萬, 已經無錢儲, 你2個月入加埋夠唔夠3萬呀?分分鐘過唔到壓測....無咁大個頭, 就同屋企人住算啦」
有網民提醒就算是父母，借錢都要清楚，「和親人借錢最好均均真真。寫埋借據和還款方案。最好合理計返利息。就算照現時銀行拆息計都要俾返啲。除非父母話明畀唔使還。否則親人錢銀絕對要交代清楚。」
亦有人擔心發文者與女友萬一分手如何處理物業，「係你同女朋友一齊供？未結婚一齊供，分手個陣就好煩」、「若供樓要兩個人，萬一分手，你一個人可撐幾耐？ 」。
資料來源：香港討論區、星島日報
Tag cloud:
好工推介
職場熱話
- 1
- 2
-
辭職休息就等於懶 網民：香港職場對休息仍相當保守
TOP 1 -
同同事打招呼但係被無視 網民：係咪香港職場先會咁？
TOP 2 -
返工鍾意獨處 唔合群就係錯？3種方法保持最低限度溝通
TOP 3 -
微軟研究：「無限工作日」成職場新常態 朝六收電郵 晚十開會 每日平均收270工作訊息
TOP 4 -
七一放假好去處 海洋公園二人同行八折 M＋科學館免費入場
TOP 5
-
郵政署招聘會計主管 月薪$18,916 申請人須具備咩條件？
TOP 6 -
中大調查：七成市民認為香港貧富懸殊嚴重 約一成表示入不敷支
TOP 7 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 8 -
碩士畢業37歲打工仔 失業5個月 12年工作生涯冇份工做得長 大呻：學歷呢個包袱太重
TOP 9 -
40歲打工仔MPF資產中位數66萬元 BCT籲善用自願性供款
TOP 10
