畢業生的月薪應有多少才算合理？一名女網民於Facebook專頁投稿指，其弟弟畢業已兩年，卻嫌市面月薪低一直不願工作，更聲稱曾在討論區看到有網民表示，剛畢業投入職場就有5、6萬元月薪，故認為自己需找同等月薪的工作才算合理。該網民對弟弟盲目相信網上留言及其價值觀感無奈。
該女網民於Facebook專頁「辦公室日報」投稿指，其弟弟已畢業兩年，但一直不願工作，僅因嫌月薪低，曾有實驗室及市場推廣公司願意聘請，但月薪分別只有1.3萬及1.5萬元，弟弟批評「唔係人做」，最後拒絕應聘。樓主亦無奈表示，「Fresh grad（畢業生）你想要咩人工呢？」，未料弟弟竟回答，「起碼5、6萬啦！」，令樓主大吃一驚並指，「5、6萬？你家姐我出嚟做咗五年嘢都無呢個價，點解你覺得自己完全無工作經驗會值呢個人工？」，對方隨即反駁，「你做5年嘢都無呢個人工係你廢啫！」。
弟弟隨即向樓主展示網民於討論區上的留言內容，「你睇，好多人都話自己啱啱畢業已經搵緊5、6萬，唔係我作㗎，好多人都咁講」。樓主亦對弟弟的價值觀及堅持感到無奈，質疑所謂「網民」的真正身分，認為該班自稱剛畢業就有5、6萬元月薪的網民根本「唔知乜頭乜路」，現實生活或失業已久，「日日喺屋企量地」。
樓主嘆息指，弟弟盲目相信網上留言，「話喺香港做廉價勞工好失敗」，認為弟弟每個月「攤大手板」向父母拿錢，比當廉價勞工更失敗。樓主奉勸不應對網上留言過於認真，「一啲無根據無實證嘅留言都當做金科玉律，真係非常之可笑」，最後唯有祝弟弟早日找到一份5、6萬元月薪的工作。
帖文引起網民的熱論，網民紛紛斥樓主弟弟其實只是找藉口，趁機逃避現實，「關咩討論區事，個仔唔願做嘢，求其搵藉口啫」、「藉口啫，擺到明其實係唔想做野」、「讀醫讀律師一出到嚟都未必即刻搵到5、 6萬，咁睇嚟呢個細佬有排量地」。亦有網民指其父母過於縱容，「阿爸阿媽仲畀錢佢使，先係問題所在」。
資料來源：辦公室日報
Tag cloud:
好工推介
職場熱話
- 1
- 2
-
七一放假好去處 海洋公園二人同行八折 M＋科學館免費入場
TOP 1 -
郵政署招聘會計主管 月薪$18,916 申請人須具備咩條件？
TOP 2 -
中大調查：七成市民認為香港貧富懸殊嚴重 約一成表示入不敷支
TOP 3 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 4 -
碩士畢業37歲打工仔 失業5個月 12年工作生涯冇份工做得長 大呻：學歷呢個包袱太重
TOP 5
-
40歲打工仔MPF資產中位數66萬元 BCT籲善用自願性供款
TOP 6 -
一大早交report 老細睇一眼就話啲數錯 事後原封不動再交又話啱 網友：樓主錯在呢樣嘢！
TOP 7 -
調查指24％專業人士正考慮退休移居外地 近半數選擇大灣區 33％選擇英澳加
TOP 8 -
內地年輕人興起做全職「全職乖孫」 唔揾工 喺屋企照顧長輩起居飲食
TOP 9 -
黃傑龍明言餐飲迎淘汰期 北上消費潮非唯一原因 籲業界極力轉型
TOP 10
