從事服務業經常都要面對無理顧客，有商場職員就在「辦公室日報」Facebook專頁投稿，指有家長不見了小朋友，年輕女同事正幫忙處理，但有惡客不理解而「發爛渣」，狠鬧女同事「一世都只可以做呢啲商場工！」令女同事委屈落淚。
網民表示，自己和另一名年輕女同事在商場顧客服務櫃檯工作，正常情況應是足夠應付，但當日遇到一個顧客不見了銀包，女同事又要處理一名不見了小朋友的家長，忙得焦頭爛額，令排隊的人龍越來越長。
後面的客人就開始「畀面色我哋睇」，其中一個客人更對女同事發火爆粗。
終於解決了兩個大難題後，後面的客人就開始「畀面色我哋睇」，其中一個男客人更對女同事發火爆粗：「打份咁簡單嘅工都做唔掂，吸下停車場飛，人哋問路就答，呢啲嘢有幾難做呀？咁嘅XX工都做到手騰腳震，你點做大事？你一世都只可以做呢啲商場XX工，你讀咁多書咪嘥晒啲錢？有冇中五畢業呀你？」雖然後來有其他同事來到向顧客解釋情況，但這位男客人繼續鬧女同事：「你永遠做唔到大事㗎我同你講，我唔想理你頭先搞乜鬼，手腳慢就手腳慢，你份工大把時間咋，我等住你吸張停車場飛去見客㗎！遲咗你賠唔起！」
由於聲浪頗大，連路過的人都駐足圍觀。後來男客人終於走了，網民見到女同事默默流淚，但僅僅兩三秒，女同事已經即時抹走淚水，「下一個客行埋嚟，小妹妹又再次用友善態度接待，我見到佢雙眼通紅仍然保持專業態度，除咗佩服，就只能輕輕掃下佢背脊安慰，當中有幾唔開心同埋委屈，只有佢自己心裡最明白。」
網民表示，年輕的女同事是單親家庭，媽媽手部勞損暫時無法上班，弟弟讀中學，女同事已經是全家的經濟支柱，「佢有嘗試搵其他工，不過疫情兼年尾絕對唔容易，想跳出去唔係一時三刻嘅事......所以小妹妹同事幾委屈都要吞落肚。」網民呼籲多體諒別人，少些指指點點，因為每個人都有自己的難處同故事。
資料來源：星島日報
好工推介
職場熱話
- 1
- 2
-
郵政署招聘會計主管 月薪$18,916 申請人須具備咩條件？
TOP 1 -
中大調查：七成市民認為香港貧富懸殊嚴重 約一成表示入不敷支
TOP 2 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 3 -
碩士畢業37歲打工仔 失業5個月 12年工作生涯冇份工做得長 大呻：學歷呢個包袱太重
TOP 4 -
40歲打工仔MPF資產中位數66萬元 BCT籲善用自願性供款
TOP 5
-
一大早交report 老細睇一眼就話啲數錯 事後原封不動再交又話啱 網友：樓主錯在呢樣嘢！
TOP 6 -
調查指24％專業人士正考慮退休移居外地 近半數選擇大灣區 33％選擇英澳加
TOP 7 -
內地年輕人興起做全職「全職乖孫」 唔揾工 喺屋企照顧長輩起居飲食
TOP 8 -
黃傑龍明言餐飲迎淘汰期 北上消費潮非唯一原因 籲業界極力轉型
TOP 9 -
大班結業拖欠近1,000萬元遣散費與薪金 公司結業遣散費應如何計算？
TOP 10
