職趣事

 

 

2025 年最強颶風「樺加沙」昨晚正面襲港，天文台懸掛十號颶風信號，全港多區狂風暴雨，不少地區出現水浸、塌樹及停電事故。然而，當市民在家中避風時，大批前線人員卻無懼風雨，冒險走上街頭，確保城市能迅速回復運作。

 

在網上社交平台，有不少留言表達對基建前線、工程人員及基層勞工的敬意，其中一句更寫道：「香港人基建前線絕對世一，打災難級颱風可以極速回無復，無限 respect。」

 

 

體制內小職員自白 「用條命去做嘢」

一名自稱「體系內小職員」的網民在Threads留言，形容昨晚是「用個心同埋條命去做嘢」的一夜。

 

他寫道：「體制內有好多人尋晚真係搏命工作。消防員唔洗講，仲有地鐵、土木、路政好多部門，喺八號波之下冒險巡查全港基建，務求聽日大家返工返學唔會受阻。」

 

 

電力人員隨時出動

有市民特別提到電力人員的付出：「中電、港燈嘅工程隊，食完飯隨時要出動，好似去伊拉克打仗咁，揸車衝入風雨入面維修供電。佢哋係用條生命去處理『電』。」

 

 

渠務署600人小隊 即刻出動清理渠道

大雨期間，渠務署派出 600 人小隊出動清理渠道、解決水浸問題。有網民笑言：「渠務署 600 人小隊尋晚值得攞諾貝爾獎！」

雖然他們無記者影相、無人歌頌，但網民認為，這些「無名英雄」正是守護香港的中堅力量。

 

 

風球下嘅打工仔、清潔人員同樣值得尊敬

除了基建團隊，前線勞工同樣不容忽視。有留言提到：「風球下仲為我哋服務嘅快餐店、食肆、便利店、物管等打工仔。」

 

另一位市民則感激清潔人員：「默默為市民清理街道嘅工作人員，無論颱風幾大，第二朝條街總係乾乾淨淨。」

 

網民感嘆：「香港效率全世界第一」

不少網民在討論區、社交平台留言，盛讚香港的災後處理效率：「風災處理香港效率全世界第一，不服來辯！」另一則留言則直白總結：「其實千言萬語都不及一句：多謝佢哋嘅默默耕耘。」

 

更多網民感慨：「就係呢種高效率，令我覺得香港係我去過既城市當中，最好既其中一個理由。仲有睇到呢幾日咁多助人同救動物既 post，香港真係好多好多熱心好人。人民質素普遍咁高，絕唔係再多億萬工程堆砌得到既硬件。香港真係好好。」

 

颶風過後，城市逐步回復正常，市民返工返學如常。這一夜的香港，再一次證明了前線工作者的專業與堅毅，而同時亦讓更多人重新感受到，香港人本身，就是這座城市最珍貴的資產。