職趣事

 

超強颱風「樺加沙」有機會增強至超強颱風級別並逼近香港，來勢洶洶。消息一出，隨即令不少市民聯想起2018年「山竹」橫掃本港的驚險場面。當年「山竹」風力猛烈，吹倒大樹、掀起屋頂、破壞力驚人，成為香港近年最嚴重的風災之一。近日，不少網民在社交平台上回憶當年「山竹」的難忘經歷，有人直言「半生難忘」。

 

 

村屋：「山竹」吹走廁所抽氣扇 屋頂飛落後花園

 

有村屋居民在社交平台Threads分享「山竹」時的驚險經歷。他憶述當年正如廁途中，強風吹走整個廁所抽氣扇，牆上即時出現一個大窿，風雨瞬間湧入。無助之下，他只好在廁所大叫媽媽遞把雨傘進來，邊撐傘邊如廁。

 

帖文相當直白，惹來網民爆笑回應：「畫面感十足，好驚但又好好笑！」有人更笑言：「如果連屋頂都吹走埋，簡直係港產笑片情節！」

 

不少村屋居民同樣直擊「山竹」威力。有網民指鄰居僭建的屋頂被吹起，整塊橫飛跌落自家後花園，發出巨響，嚇得他邊刷牙邊尖叫。他母親淡定回應：「打風有嘢跌落嚟好正常，唔使大嗌。」其後鄰居再用WhatsApp通知他「個屋頂飛咗落去你嗰邊喎」，讓一家人哭笑不得。

 

另有居民憶述：「住村屋三十幾年，第一次水浸就係『山竹』。」亦有人回想當時「睇住對面鐵皮屋啲屋頂吹走咗，嚇到心都離一離」。

 

公屋居民：「山竹」吹起乒乓波枱

住在公共屋邨的市民亦難忘「山竹」威力。有網民直言：「最深刻係屋邨張乒乓波枱吹走，再直插落樓下棵樹。要知道張枱兩個大男人先勉強搬得郁，居然比風掀起，真係好癲！」

 

有人補充指，當年颱風吹到屋企窗邊滲水不斷，至今都未修復，「如果『樺加沙』真係同『山竹』咁勁，今次真係大鑊」。

 

 

網民難忘：爬樹返工、生仔遇風暴

 

除咗家居受損，亦有市民分享「山竹」期間的特別經歷。有媽媽憶述：「嗰日啱啱作動又難產要開刀，病房窗外風聲勁到好似火車經過，真係一世難忘。」

 

亦有打工仔表示，打風翌日返工遇到大樹擋門，最後唯有「爬樹返工」。更有人無奈笑言，公司只批 $50 的士錢補貼。

 

 

專家提醒：颱風期間市民應注意防風措施

 

隨住「樺加沙」逼近，香港天文台及屋宇署提醒市民提早做好防風準備，避免重演「山竹」的災情。

 

打風前/期間應做的措施包括：

·        保護窗戶及玻璃門：加裝防護物料，並鎖緊所有可開啟窗。

·        清理排水系統：確保沙井及排水渠暢通，避免水浸。

·        固定室外物件：將易被風吹走的雜物、搭建物綁緊或搬入室內。

·        注意斜坡及外牆：檢查有否裂縫或掉落風險，提早維修。

·        停泊車輛安全地點：避免停泊在低窪地區或大樹附近。

·        準備應急用品：包括手電筒、後備糧食及藥物。

 

 

當八號或以上信號生效時，市民應留在室內，緊閉門窗，並遠離玻璃。切勿外出，避免被飛散雜物擊中。若風眼經過，切勿掉以輕心，因為風向轉變後會再度增強。

 

 

「山竹」的威力仍然歷歷在目，今次「樺加沙」來勢洶洶，市民更應提早防範。無論住村屋、公屋或私人樓宇，安全措施同樣重要。大家切勿掉以輕心，務必跟隨天文台訊息及官方指引，確保自己及家人安全。