職趣事

 

近日，一則討論區帖文掀起熱議。有網民直言今年風假太多，批評香港天文台「無用」，更擔心公司長期停工會影響出糧。樓主更提出，風假應該要「扣返AL補數」，否則銷售員無法見客，公司點生存？

 

網民一面倒反駁

不過，帖文一出隨即被大批網民圍攻，留言幾乎一致反駁樓主觀點。有人直言：「咁你以後啲風假唔好放，公司會多謝你嘅貢獻。」亦有人冷嘲熱諷，建議樓主「轉行做保安，打風都要返工，幾適合你」。

 

「風假係成本」

部分網民就指出，天災導致嘅停工屬於企業經營風險，唔應該推落員工或者天文台身上：「承擔風假帶來嘅停頓成本，係商家能夠生存嘅基本條件之一。搞唔掂就唔好賴政府同天文台。」更有人諷刺樓主：「好似你咁優質既資本家，不如去印度、越南做生意啦。」

 

 

勞工處規定：唔可以扣AL

亦有網民提醒，若公司強行扣AL，恐怕會觸犯法例：「扣AL假，會比勞工處告。」同時有人指出，若員工在惡劣天氣下返工途中出意外，公司有可能需要負責工傷，最終賠得更慘。

 

「客都唔會出街見你」

有留言笑言，就算銷售員「捱住風雨」返公司，都冇乜客人：「蝕一日人工好過巨額，真係急嘅都可以WFH啦。」亦有人認為，樓主咁樣嘅思想，可能正正解釋咗「點解搵唔到工」。

 

帖文最後引來大批網民群起圍攻，幾乎無人支持樓主，反而令「天文台無用」一說成為笑柄。對於大多數打工仔而言，風假係安全保障，而唔係「額外福利」。