大家有沒有留意到公司好多老細好健康、經常食生菜？明明沒有蛀牙但又經常要補牙？原因好簡單，因為胡亂發誓、信口開河得太多。講到謊言，大家在返工時聽過老細講最難忘的大話是甚麼？
1.「我好開明、好開通，大家有意見不妨提出！」
結果：「有個同事信以為真，開會時大力抨擊公司電腦嚴重老化（還在用Windows 7）、上網速度慢、洗手間經常淤塞等等等等，未講完老細已經成個彈起話『請容許我打斷你的話』，然後那位同事就被老細打斷了 …… 」
2.「你好勤力 / 好做得嘢 / 好幫得手，阿XXX就完全唔及你了！我升你都唔升佢啦！」
真相：「不用多說啦，老細在XXX面前都是講同一番說話。」
3.「加人工的程序比較複雜，請你畀啲耐性。」
結果：「另一個同事提出加人工要求，下個月就加了。我呢，等了半年都未有聲氣。」
4.「其實你同阿XXX都係同一職級，冇話邊個under邊個嘅。」
真相：「但係一個轉頭阿XXX就叫我要做呢樣嗰樣，不是老細授權嗎？」
5.「正在請人了，請大家捱下義氣撐住先！」
結果：「我上網搜尋過，公司一直都沒有招聘那個職位，反而某某某條team同某某某某條team就一直在請人 …… 」
6.「見工時老細話：出糧準時、晉升階梯清晰，公司更會極力支持員工進修。」
結果：「每個月都好準時地遲一兩日出糧，沒有交代任何原因；晉升階梯十分清晰：你個位已經升無可升了；支持進修方面，原來是提供持續進修基金 …… 個網址給員工參考。」
7.「員工就是公司最寶貴的資源。」
真相：「老細經常走過來說：『你們知唔知道地球其實唔係圓而係方的？』一聽到他這樣說，就知道他以前講的盡是大話了。」
無論你是80後、90後定千禧後，如果你在職場上遇到甚麼新奇有趣的遭遇，不妨公諸於世跟大家分享一下兩下三下。
電郵地址：[email protected]
