裸辭，英文稱作naked resignation（編按：其實法文或西班牙文叫甚麼又有何關係？不過以示作者學識淵博），意思是「未搵到下一份工就辭職先」（編按：有誰不知道呢？）不說不知，原來裸辭可以有一千個理由，不妨看看以下哪個「正中下懷」吧！
1.「我做茶餐廳樓面的，今個星期裸辭，下個星期又可以在屋企樓下找到一份在低級概念食府做傳菜的，反正有手有腳便行了，何樂而不辭呢？」（Golden Sin）
2.「裸辭同分手、移民一樣，都不一定需要講理由，更加不用計畫將來！例如分手後不一定要『拖接拖』，移民也不一定要落地生筋（根）的！」（Foden）
3.「我辭職要早三個月通知，早走要賠錢，我不如早點辭職攤抖兩三個月好過吧！」（阿源）
4.「屈原都曾經《裸辭》。他走出了comfort zone。」（牟中三）
（編按：屈原寫的叫《楚辭》。）
5.「我屋企有米，我爹哋有米，但我都好想靠自己，所以我靠自己上網copy辭職信，再靠自己裸辭，然後靠自己屋企『暫援』我，等我靠自己再搵工。」（米妮）
6.「我身邊所有朋友都裸辭，我不裸辭便冇朋友了。我一定要跟大隊，對嗎？」（坦夏）
7.「裸辭十分瀟洒、有型、撇脫，感覺就好似在打卡位打卡一樣，是潮人的表現。」（潮州粉果）
8.「其實對我來說，裸辭和搵了工辭也是一樣，反正都是做一個星期就不做了。」（俞快）
9.「如果你隻狗不見了，可以怎樣找得到牠？答案是：去染金髮。因為『金毛尋回犬』 …… 」
（編按：你是在說裸辭的理由嗎？）
10.「計過度過，裸辭可以令你盡快由一池死水跳進汪洋大海，就算冒下險都是值得的。尤其是你一生人試過一次裸辭後可能沒有下次，人一世物一世，一試又何妨？」
（Chill-link青衣）
無論你是80後、90後定千禧後，如果你在職場上遇到甚麼新奇有趣的遭遇，不妨公諸於世跟大家分享一下兩下三下。
電郵地址：editorial@jobmarket.com.hk
