說話，本來就是用來溝通，而溝通是職場中重要的一環。偏偏有很多人廢話連篇，浪費寶貴的時間，而時間就是金錢。結論是：一句廢話一寸金，講之前要想清楚。

1.「你咁都可以做錯嘅？你點做嘢架？」

廢點：「人是你請的，也是你train的，請你先行深究一下是誰的錯。」

2.「我諗我miss咗個email，不如你直接再講一次我聽。」

廢點：「我撳個掣forward個email一次，一定快過我講。」

3.「你想升職加人工？你可唔可以講下你勝任嘅理由？」

廢點：「我自問未必勝任，不過我要錢。」

4.「有同事投訴你工作態度同效率好有問題喎。」

廢點：「Sorry，我忙到連投訴其他人的時間都已經沒有。」

5.「我將會放兩個星期大假，有問題你可以預先講我聽。」

廢點：「你可唔可以唔好放咁耐？」

6.「今日有新同事返工，係under你嘅，你教下佢做嘢啦。」

廢點：「你請個人畀我都唔通知我，完全零尊重，又唔知佢啱唔啱用，你教我點做好呢？」

7.「其實我已經講過好多次！」

廢點：「都唔爭在講多一次。」

8.「大家都知道最近生意麻麻地，希望大家加倍努力追落後。」

廢點：「生意好的時候，你有冇叫大家可以不用努力呢？」

9.「你覺得工作環境點？適應方面有冇遇到咩問題？」

廢點：「成日要聽人講無謂嘢，我需要多啲時間適應。」

10.「點解你做嘢成日都係自把自為，唔肯聽人講？」

廢點：「我都係跟你學嘢啫。」

無論你是80後、90後定千禧後，如果你在職場上遇到甚麼新奇有趣的遭遇，不妨公諸於世跟大家分享一下兩下三下。

電郵地址：[email protected]